2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

വെണ്ണൂര്‍പാടത്ത് മന്ത്രി രാമകൃഷ്ണന്‍ സന്ദര്‍ശനം നടത്തി

അന്നമനട: പ്രളയം വന്‍നാശം വിതച്ച അന്നമനട ഗ്രാമപഞ്ചായത്തിലെ വെണ്ണൂര്‍പാടം പ്രദേശത്ത് തൊഴില്‍ എക്‌സൈസ് വകുപ്പുമന്ത്രി ടി.പി രാമകൃഷ്ണന്‍ സന്ദര്‍ശനം നടത്തി.
പ്രളയജലം ഇറങ്ങി ആഴ്ചകളായിട്ടും സ്വന്തം വീടുകളിലേക്കു മടങ്ങാനാകാതെ ദുരിതാശ്വാസ ക്യാംപില്‍ കഴിയുന്നവരെ കാണുന്നതിനാണു മന്ത്രി വെണ്ണൂര്‍പ്പാടം ക്യാംപിലെത്തിയത്.
ചാലക്കുടി പുഴയിലൂടെ ശക്തമായെത്തിയ പ്രളയജലം അന്നമനട ഗ്രാമപഞ്ചായത്തിലെ വെണ്ണൂര്‍പ്പാടം പ്രദേശങ്ങളില്‍ ഏറെ നാശം വിതച്ചിരുന്നു. വെണ്ണൂര്‍പ്പാടം കോളനിയിലെ 220ലധികം വീടുകള്‍ക്കു സാരമായ കേടുപാടുകള്‍ സംഭവിച്ചിട്ടുണ്ട്.
ചുമരുകള്‍ വിണ്ടുകീറിയതിനാല്‍ പ്രശ്‌നപരിഹാരത്തിനായി അടിയന്തര നടപടികള്‍ സ്വീകരിക്കണമെന്ന് ജില്ലാ കലക്ടര്‍ ടി.വി അനുപമക്കു മന്ത്രി നിര്‍ദേശം നല്‍കി.
മന്ത്രിയോടൊപ്പം ഗ്രാമപഞ്ചായത്തംഗങ്ങളായ ബേബി പൗലോസ്, ടി.വി ഭാസ്‌കരന്‍, പി.ഒ പൗലോസ്, സി.പി.എം ജില്ലാ സെക്രട്ടറിയേറ്റംഗം പി.കെ ഡേവീസ്, സി.പി.എം മാള ഏരിയ സെക്രട്ടറി എം. രാജേഷ്, ടി. ശശിധരന്‍, സി.ആര്‍ പുരുഷോത്തമന്‍, പ്രവീണ്‍ ചന്ദ്രന്‍, ഷിനി സുധാകരന്‍ തുടങ്ങിയവരുമുണ്ടായിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.