2019 December 07 Saturday
ഇന്ത്യയും സഊദിയും 2020 ലെ ഹജ്ജ് കരാർ ഒപ്പ് വെച്ചു

വീരേന്ദ്ര കുമാറിനെതിരായ ത്വരിതാന്വേഷണം: എതിര്‍ഹരജി നല്‍കി

തലശ്ശേരി: എം.പി വീരേന്ദ്രകുമാര്‍ എം.പിയും മകന്‍ എം.വി ശ്രേയാംസ്‌കുമാറും സര്‍ക്കാര്‍ ഭൂമി കൈവശംവച്ചെന്ന പരാതിയില്‍ വിജിലന്‍സ് സമര്‍പ്പിച്ച ത്വരിതാന്വേഷണ റിപ്പോര്‍ട്ടിനെതിരേ എതിര്‍ഹരജി നല്‍കി. എറണാകുളം പാലാരിവട്ടത്തെ പി. രാജനാണ് തലശ്ശേരി വിജിലന്‍സ് കോടതിയില്‍ എതിര്‍ഹരജി നല്‍കിയത്.
ആദിവാസികള്‍ക്കു പതിച്ചുനല്‍കാനുള്ള സുല്‍ത്താന്‍ ബത്തേരിയിലെ ഭൂമി അനധികൃതമായി കൈവശംവച്ചെന്ന പരാതിയില്‍ വയനാട് വിജിലന്‍സ് ഡിവൈ.എസ്.പിയാണ് ത്വരിതാന്വേഷണം നടത്തിയത്. വിജിലന്‍സ് സമര്‍പ്പിച്ച റിപ്പോര്‍ട്ടില്‍ പരാതിക്കാരന്‍ ഉന്നയിച്ച മുഴുവന്‍ കാര്യങ്ങളും അന്വേഷണവിധേയമാക്കിയില്ലെന്നും സര്‍ക്കാരിന്റെ രേഖകള്‍ പരിശോധിക്കാതെയാണ് റിപ്പോര്‍ട്ട് തയാറാക്കിയതെന്നും അഭിഭാഷകരായ സി.കെ ശ്രീനിവാസന്‍, സി.കെ അംബികാസുധന്‍ എന്നിവര്‍ മുഖേന നല്‍കിയ എതിര്‍ഹരജിയില്‍ ചൂണ്ടിക്കാട്ടി.
ബത്തേരി കൃഷ്ണഗിരി വില്ലേജിലെ 14.44 ഏക്കര്‍ ഭൂമി വീരേന്ദ്രകുമാറും ശ്രേയാംസ്‌കുമാറും അനധികൃതമായി കൈവശംവച്ചതായി വിജിലന്‍സ് കണ്ടെത്തിയിരുന്നു. മുന്‍ മുഖ്യമന്ത്രിമാരായ വി.എസ് അച്യുതാനന്ദന്‍, ഉമ്മന്‍ചാണ്ടി എന്നിവരും പരാതിയിലെ എതിര്‍കക്ഷികളാണ്. ഇവര്‍ക്കെതിരേയും അന്വേഷണം നടക്കും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.