2018 September 23 Sunday
ഒരാളുടെ മഹത്വം അളക്കുന്നത് അയാള്‍ തനിക്ക് താഴ്ന്നവരോട് എങ്ങനെ ഇടപെടുന്നു എന്നു നോക്കിയാണ്
ജെ.കെ റൗളിങ്

വീണ്ടും പെയ്‌സിന്റെ വിസ്മയ എയ്‌സ്

ലിയാണ്ടര്‍ പെയ്‌സിനു സീസണിലെ ആദ്യ കിരീടം

ബുസാന്‍: ഇന്ത്യന്‍ ടെന്നീസിലെ നിത്യഹരിത നായകനും ഇതിഹാസവുമായ ലിയാണ്ടര്‍ പെയ്‌സ് മറ്റൊരു വിസ്മയവുമായി വീണ്ടും. 43ാം വയസിലെത്തി നില്‍ക്കുന്ന പെയ്‌സ് പുതിയ ഡബിള്‍സ് പങ്കാളിക്കൊപ്പം ഈ സീസണിലെ ആദ്യ കിരീടം സ്വന്തമാക്കി. ബുസാന്‍ ഓപണ്‍ ചലഞ്ചര്‍ ഡബിള്‍സിലാണ് ആസ്‌ത്രേലിയന്‍ താരം സാം ഗ്രോത്തിനൊപ്പം പെയ്‌സ് കിരീടം നേടിയത്. ഫൈനലില്‍ തായ്‌ലന്‍ഡിന്റെ ഇരട്ട സഹോദര സഖ്യമായ സാന്‍ചായ് റതിവതന- സോന്‍ചാറ്റ് റതിവതന സഖ്യത്തെ ഒന്നിനെതിരേ രണ്ടു സെറ്റുകള്‍ക്കു തകര്‍ത്താണു പെയ്‌സ് സഖ്യത്തിന്റെ കിരീടം നേട്ടം. സ്‌കോര്‍: 4-6, 6-1, 10-7. കടുത്ത പോരാട്ടത്തില്‍ ആദ്യ സെറ്റു കൈവിട്ട ഇന്തോ- ആസ്‌ത്രേലിയന്‍ സഖ്യം രണ്ടും മൂന്നും സെറ്റുകള്‍ നേടിയാണ് വിജയമുറപ്പാക്കിയത്.
16 വര്‍ഷങ്ങള്‍ക്കു ശേഷമാണു പെയ്‌സ് ബുസാനില്‍ കിരീടം ഉയര്‍ത്തുന്നത്. ഏപ്രിലില്‍ നടന്ന മെക്‌സിക്കന്‍ ചലഞ്ചറിലാണ് പെയ്‌സ്- സാം ഗ്രോത്ത് സഖ്യം ഒത്തു ചേര്‍ന്നത്. അന്നു ഫൈനല്‍ വരെയെത്താന്‍ സഖ്യത്തിനു സാധിച്ചിരുന്നു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.