2019 April 22 Monday
പുറമെ നിന്ന് അടിച്ചേല്‍പിക്കാവുന്ന ഒന്നല്ല ജനാധിപത്യം എന്നത്. അത് ഉള്ളില്‍ നിന്നുതന്നെ വരേണ്ടതാണ് -മഹാത്മാഗാന്ധി

വീടുകയറി ആക്രമണം: നാലുപേര്‍ പിടിയില്‍

ശാസ്താംകോട്ട: കിടങ്ങയത്തു വീടുകയറിയുള്ള ആക്രമണത്തില്‍ പ്രതികളായ നാലുപേര്‍ പിടിയില്‍. തേവലക്കര തറമേന്‍വിള നിഥിന്‍രാജ്(24), അരിനല്ലൂര്‍ തടത്തിവീട്ടില്‍ ഷിനു പീറ്റര്‍(23), മുള്ളിക്കാല കിഴക്കേമുറി ശ്രീകുമാര്‍, കോയിവിള ചൈതന്യയില്‍ അനന്തു(23) എന്നിവരാണ് ശൂരനാടു പൊലിസിന്റെ പിടിയിലായത്.
വ്യാഴാഴ്ച രാത്രി 1.30നായിരുന്നു ആക്രമണം. ശൂരനാട് കിടങ്ങയം പോക്കാട്ട് വടക്കേവിള സുബേറുകുട്ടിക്കായിരുന്നു പരുക്കേറ്റത്. സുബേറുകുട്ടിയുടെ മകന്റെ വാഹനം ഇവര്‍ വാടകക്ക് എടുത്തിരുന്നു. വാടക നല്‍കുന്നതിലുള്ള തര്‍ക്കമാണ് വീടുകയറിയുള്ള ആക്രമത്തിനു കാരണം. മകനെ തേടിയെത്തിയ സംഘത്തിനു മുന്നില്‍ സുബേറുകുട്ടി അബദ്ധത്തില്‍ കതകുതുറന്നു പുറത്തേക്കു എത്തുകയായിരുന്നു.
സുബേറുകുട്ടി ഇപ്പോഴും ചികില്‍സയിലായിരുന്നു. അക്രമത്തിനുശേഷം ഒളിവില്‍പോയ പ്രതികളെ ബന്ധുവീടുകളില്‍ നിന്നാണ് പൊലിസ് പിടികൂടിയത്. പ്രതികളെ സംഭവസ്ഥലത്തെത്തിച്ചു ആക്രമണത്തിനു ഉപയോഗിച്ച കമ്പിവടിയും വടിവാളും കണ്ടെടുപ്പിച്ചു.

 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.