വിവാഹ ഉറപ്പിക്കല്‍ കര്‍മങ്ങളിലെ അമിത പ്രാധാന്യത്തിന് സി.എസ്.ഐ സഭയില്‍ വിലക്ക്
മനുഷ്യനെക്കാള്‍ മൃഗങ്ങള്‍ക്ക് വില കല്‍പ്പിക്കുന്ന സമ്പ്രദായം തള്ളിക്കളയണം
തൊടുപുഴ: വിവാഹ ഉറപ്പിക്കല്‍ കര്‍മ്മങ്ങളിലെ അമിത പ്രാധാന്യത്തിന് സി.എസ്.ഐ സഭ വിലക്ക് ഏര്‍പ്പെടുത്തി. വിവാഹ ദിനത്തില്‍ നടക്കേണ്ട ചടങ്ങുകള്‍ ഉറപ്പിക്കല്‍ ദിവസം നടത്തുന്ന പ്രവണതയാണ് സി.എസ്.ഐ സഭ ഉപേക്ഷിക്കുന്നത്.
വിവാഹത്തിന്റെ മഹത്വം നഷ്ടപ്പെടുത്തുന്ന തരത്തില്‍ ഉറപ്പിക്കല്‍ ചടങ്ങുകളില്‍ മോതിരം മാറുന്നതും മധുരപലഹാരങ്ങള്‍ വിതരണം ചെയ്യുന്നതും നിര്‍ത്തലാക്കിയതായി സി.എസ്.ഐ ഈസ്റ്റ് കേരള മഹായിടവക ബിഷപ്പ് ഡോ. കെ.ജി. ദാനിയേല്‍ പറഞ്ഞു.
മഹായിടവക കൗണ്‍സില്‍ സമ്മേളനം മേലുകാവില്‍ ഉദ്ഘാടനം ചെയ്യുകയായിരുന്നു ബിഷപ്പ്. വിവാഹ ഉറപ്പിക്കല്‍ കര്‍മ്മങ്ങളില്‍ ശുശ്രൂഷയും സല്‍ക്കാരവും മാത്രമേ ഇനി ഉണ്ടാകൂ.
വിവാഹ മോചനത്തെ അവകാശമായി ലഭിക്കുവാനുള്ള വാദങ്ങളെ ക്രൈസ്തവ സഭകള്‍ക്ക് അംഗീകരിക്കാനാവില്ല. കാരണം വിവാഹമോചനം വേദപുസ്തക വിരുദ്ധമാണെന്ന് ബിഷപ്പ് ദാനിയേല്‍ പറഞ്ഞു. മനുഷ്യനെക്കാള്‍ മൃഗങ്ങള്‍ക്ക് വില കല്‍പ്പിക്കുന്ന സമ്പ്രദായം തള്ളിക്കളയണം.
മൃഗങ്ങളാല്‍ മനുഷ്യനെ വേട്ടയാടപ്പെടുന്നതിനെ നിയന്ത്രിക്കുകയും അവസാനിപ്പിക്കുകയും ചെയ്യുന്നതിന് നിയമനിര്‍മ്മാണം ഉള്‍പ്പെടെ നടപ്പിലാക്കണം. മൃഗത്തിന് വേണ്ടി മനുഷ്യന്‍ എന്ന ചിന്താധാര മാറ്റേണ്ടിയിരിക്കുന്നു.
ഇന്ത്യയെ ഏകമത – ഏകരാജ്യമാക്കി മാറ്റാന്‍ ബോധപൂര്‍വ്വ ശ്രമങ്ങളാണ് നടന്നുവരുന്നതെന്ന് കൗണ്‍സില്‍ സമ്മേളനം കുറ്റപ്പെടുത്തി.
ക്രൈസ്തവ വിശുദ്ധ അവധി ദിവസങ്ങള്‍ പ്രവൃത്തി ദിവസങ്ങള്‍ ആക്കുക, യോഗ അടിച്ചേല്‍പ്പിക്കുക, ഗോ മാംസ വിരുദ്ധ നിയമം എന്നിവയൊക്കെ മത ന്യൂനപക്ഷങ്ങളെ തുടച്ചുമാറ്റാനുള്ള നീക്കത്തിന്റെ ഭാഗമാണ്. ഏകീകൃത സിവില്‍കോഡ് നടപ്പിലാക്കാനുള്ള ശ്രമത്തിന്റെ പിന്നിലും ഗൂഢലക്ഷ്യങ്ങളും മേധാവിത്വ ചിന്താഗതികളുമാണെന്ന് സമ്മേളനം കുറ്റപ്പെടുത്തി.
വൈദികരായ വി.എസ്. ഫ്രാന്‍സിസ്, ജസ്റ്റിന്‍ മണി, അഡ്വ. ടി.എല്‍ സാംകൂട്ടി, ഡോ. ജോസ്‌മോന്‍ ജോര്‍ജ്ജ് എന്നിവര്‍ സംസാരിച്ചു.
ദൈവത്തിന്റെ ലോകത്തിനായ് ദൈവവചനം എന്ന വിഷയത്തില്‍ നടക്കുന്ന സമ്മേളനം ഇന്ന് സമാപിക്കും.
ഇടുക്കി, കോട്ടയം, എറണാകുളം ജില്ലകളിലെ ദേവാലയങ്ങളില്‍നിന്നും തെരഞ്ഞെടുക്കപ്പെട്ട 250 പ്രതിനിധികള്‍ സമ്മേളനത്തില്‍ പങ്കെടുക്കുന്നുണ്ട്.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- മരണത്തിലെ ദുരൂഹത തീര്ക്കാന് ഒരു മൃതദേഹംകൂടി ഇന്ന് പുറത്തെടുത്ത് പരിശോധിക്കും; ക്രൈംബ്രാഞ്ചിന്റെ നീക്കം 10 വര്ഷം മുന്പ് മരിച്ച വിദ്യാര്ഥിയുടെ മൃതദേഹം വീണ്ടും പോസ്റ്റ്മോര്ട്ടം ചെയ്യാന്
- ഹോട്ടല് മുറിയില് വിഷം കഴിച്ച് ആത്മഹത്യക്ക് ശ്രമിച്ച മലയാളി വിദ്യാര്ഥികള് മരിച്ചു
- കുട്ടിയുടെ ദേഹത്ത് ബൈക്ക് ഇടിച്ചതിന് ബൈക്ക് യാത്രക്കാരനെ അടിച്ച്കൊന്നു; നിയന്ത്രണം വിട്ട് പോസ്റ്റിലിടിച്ച് മരിച്ചതെന്ന് പൊലിസ്
- ‘ബാബരി മസ്ജിദ് നിലനിന്ന ഭൂമി കൈമാറാന് ഒരു മുസ്ലിമിനും കഴിയില്ല’; പള്ളിയുടെ പേരില് വിട്ടുവീഴ്ചയ്ക്കില്ലെന്ന് പ്രഖ്യാപിച്ച് വ്യക്തിനിയമ ബോര്ഡ്
- ”ആകാശത്തേക്ക് റോക്കറ്റ് വിട്ടാല് ആമാശയത്തിലേക്ക് ആഹാരം പോകില്ല, യുവക്കാള് ജോലി ചോദിക്കുന്നു, സര്ക്കാര് ചന്ദ്രനിലേക്ക് നോക്കാന് പറയുന്നു”: കേന്ദ്രസര്ക്കാരിനെ കടന്നാക്രമിച്ച് രാഹുല് ഗാന്ധി
