2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

വിമാനത്താവളത്തില്‍ ജോലി വാഗ്ദാനം ചെയ്തു തട്ടിപ്പു നടത്തിയ യുവാവ് പിടിയില്‍

ആലക്കോട് :കണ്ണൂര്‍ വിമാനത്താവളത്തില്‍ ജോലി വാഗ്ദാനം ചെയ്ത് പണം തട്ടിയ കേസില്‍ ഒരാള്‍ കസ്റ്റഡിയില്‍ കോട്ടയം മണ്ണാര്‍ക്കാട് സ്വേദേശി താഴത്തെമുറിയില്‍ കുര്യന്‍ മാത്യുവെന്ന ബിബിനാ (31)ണ് പിടിയിലായത്.
ചിറ്റടിയിലെ അറ്റോളി അരുണ്‍രാജ് ഉള്‍പ്പെടെ ചെറുപുഴ, ചിറ്റാരിക്കാല്‍ മേഖലയിലെ നിരവധി പേരില്‍ നിന്ന് പണം തട്ടിയെന്നാണ് കേസ്. പട്ടികവര്‍ഗ വിഭാഗ ഉന്നമന പ്രവര്‍ത്തനത്തിന്റെ ഭാഗമായാണ് അരുണ്‍ രാജ് ബിബിയുമായി ബന്ധപ്പെട്ടത്. ഇയാളുമായി സൗഹൃദം സ്ഥാപിച്ചതിനു ശേഷം
വിമാനത്താവളത്തില്‍ ജോലി ശരിയാക്കിത്തരാമെന്നായിരുന്നു വാഗ്ദാനം.
ഇതു വിശ്വസിച്ച അരുണ്‍ കഴിഞ്ഞ ജനുവരി മുതല്‍ ബിബിയുടെ അക്കൗണ്ടിലേക്ക് തവണകളായി 35000രൂപ അയച്ചു കൊടുത്തു. എയര്‍ ഇന്ത്യയുടെ പേരിലുള്ള അപേക്ഷാഫോറം നല്‍കിയായിരുന്നു ഇയാള്‍ വിശ്വാസ്യത പിടിച്ചുപറ്റിയത്. ജോലി കിട്ടാതെ വരികയും പണം നഷ്ടപ്പെടുകയും ചെയ്തപ്പോഴാണ് തട്ടിപ്പാണെന്നു മനസിലായത്. ജോലിയുടെ കാര്യം ചോദിക്കുമ്പോള്‍ പലവിധ ഒഴിവുകഴിവുകളാണ് പറയുന്നത്.
ഇതിനിടെയാണ് കബളിക്കപെട്ടവര്‍ ചേര്‍ന്ന് മണ്ണാര്‍ക്കാട് വെച്ച് അരുണിനെ പിടികൂടി പൊലിസില്‍ ഏല്‍പിച്ചത്. കസ്റ്റഡിയിലെടുത്ത ബിബിയെ ചെറുപുഴയില്‍ എത്തിച്ചു. ഇയാളെ പൊലിസ് ചോദ്യം ചെയ്തുവരികയാണ്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News