2019 March 23 Saturday
ആത്മാവിനെ ആയുധങ്ങള്‍ മുറിവേല്‍പ്പിക്കുന്നില്ല അഗ്നി ദഹിപ്പിക്കുന്നില്ല. ജലം നനയ്ക്കുന്നില്ല. കാറ്റ് ഉണക്കുന്നുമില്ല. -ഭഗവത്ഗീത

വികാസ് ഗൗഡയ്ക്ക് പരുക്ക്: ഗൗരവമല്ലെന്ന് അത്‌ലറ്റിക് ഫെഡറേഷന്‍

ന്യൂഡല്‍ഹി: ഡിസ്‌കസ് ത്രോ താരം വികാസ് ഗൗഡയ്ക്ക് പരുക്ക്. ഒളിംപിക്‌സിന് ദിവസങ്ങള്‍ മാത്രം ബാക്കി നില്‍ക്കെ താരത്തിന് പരുക്കേറ്റത് ഇന്ത്യന്‍ ടീമില്‍ ആശങ്കയ്ക്കിടയാക്കിയിട്ടുണ്ട്. എന്നാല്‍ വികാസിന്റെ പരുക്ക് ഗൗരവമുള്ളതല്ലെന്ന് അത്‌ലറ്റിക് ഫെഡറേഷന്‍ ഓഫ് ഇന്ത്യ വ്യക്തമാക്കി.
വികാസിന് തോളിനാണ് പരുക്കേറ്റതെന്ന് അദ്ദേഹത്തിന്റെ പിതാവ് ഫെഡറേഷനെ അറിയിച്ചിട്ടുണ്ട്. എന്നാല്‍ ഇത് ഗൗരവമുള്ളതല്ല. ഒളിംപിക്‌സില്‍ അദ്ദേഹം തീര്‍ച്ചയായും മത്സരിക്കുമെന്നും എ.എഫ്.ഐ പ്രസിഡന്റ് അദില്ലെ സുമരിവല്ല പറഞ്ഞു. എന്നാല്‍ വികാസ് ഒളിംപിക്‌സിന് മുന്‍പ് ശാരീരിക ക്ഷമത തെളിയിക്കണമെന്ന് സുമരിവല്ല പറഞ്ഞു. ട്രയല്‍സില്‍ താരത്തിന് പങ്കെടുക്കേണ്ടി വരില്ല. ത്രോയിങ് സെഷനുകള്‍ക്ക് ഗൗഡ ഹാജരാകേണ്ടി വരും. അതേസമയം പരുക്കു കാരണം വികാസിന് പരിശീലനത്തില്‍ പങ്കെടുക്കാന്‍ സാധിക്കില്ല. നേരിട്ട് മത്സരയിനത്തില്‍ പങ്കെടുക്കാന്‍ മാത്രമാണ് താരത്തിന് സമയം ലഭിക്കുക. ഓഗസ്റ്റ് 12നാണ് ഡിസകസ് ത്രോ മത്സരം ആരംഭിക്കുന്നത്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.