2018 November 21 Wednesday
ജനങ്ങളേ, നിങ്ങള്‍ക്ക് നിങ്ങളുടെ നാഥനിങ്കലില്‍നിന്നുള്ള തത്വോപദേശങ്ങളും ശമനവും മാര്‍ഗദര്‍ശനവും സത്യവിശ്വാസികള്‍ക്ക് കാരുണ്യവും വന്നെത്തിയിരിക്കുന്നു

വികസനവാദികളേ പൊതു ഇടങ്ങളില്‍ വനിതകള്‍ക്ക് നാല് കക്കൂസ് എങ്കിലും ഉണ്ടാക്കിത്തരുമോ ?

ആമിനാ നബീല്‍ കരിക്കുളം

 

സ്ത്രീകളുടെ ഏറ്റവും വലിയ പരാതി പൊതു ഇടങ്ങളില്‍ ടോയിലറ്റ് ഇല്ല എന്നതാണ്. പല കുടുംബങ്ങളും യാത്രയില്‍ ഈ ദുരിതം അനുഭവിക്കുന്നവരാണ്. ഇതിനെ കുറിച്ച് ഭരണതലത്തില്‍ ആസനസ്ഥനായവര്‍ ശ്രദ്ധിക്കുന്നില്ല. മുസ്്‌ലിം പള്ളികളില്‍ ഈയിടെ ചിലസംഘടനകള്‍ നടത്തിയ ശ്രമഫലമായി സാധാരണ അടച്ചിടാറുള്ള പൊതുകക്കൂസ് തുറന്നിടാന്‍ തുടങ്ങിയത് ആശ്വാസമാണ്.
വനിതകള്‍ക്ക് 50ശതമാനം സംവരണം പഞ്ചായത്ത് തലങ്ങളില്‍ ഏര്‍പ്പെടുത്തുകയും അതിനായി ചിലര്‍ മുറവിളി കൂട്ടുകയും ചെയതപ്പോഴും സാധാരണ സ്ത്രീകള്‍ പ്രതീക്ഷിച്ചത് സ്ത്രീകളുടെ പ്രശ്‌നം ഇവര്‍ക്ക് വേഗം മനസ്സിലാകുമെന്നും അതിനുതകുന്ന ചര്‍ച്ചകളും പരിഹാരവും ഉണ്ടാവുമെന്നും ആണ്. എന്നാല്‍ അവര്‍ക്ക് അധികാരം കിട്ടിയപ്പോള്‍ അഹങ്കാര മൂര്‍ത്തികളായി മാറിയ സഹപ്രവര്‍ത്തകരെയാണ് എനിക്ക് അനുഭവം.
പുരുഷന്മാര്‍ റോഡുവക്കുകളിലും ആളൊ ഴിഞ്ഞ മൂലകളിലുും കാര്യം സാധിക്കുമ്പോള്‍ സ്ത്രീകള്‍ക്ക് തങ്ങളുടെ മൂത്രസഞ്ചിയുടെ ഹോള്‍ഡിങ് കപ്പാസിറ്റി തന്നെ ശരണം! കേരളത്തില്‍ പുറത്തിറങ്ങി നടക്കുന്ന സ്ത്രീകള്‍ ഒരിക്കലെങ്കിലും ഇത്തരം ഗതികേട് അനുഭവിച്ചിട്ടുണ്ടാകും തീര്‍ച്ച. വിദേശരാജ്യങ്ങളില്‍ ഇത് ഉത്തമസംസ്‌കാരത്തിന്റെ അടയാളമായി നിലകൊള്ളുന്നു.
വികസനം വികസനം എന്ന് നാഴികയ്ക്ക് നാല്‍പ്പതു വട്ടം ഉരുവിടുമ്പോഴും അടിസ്ഥാന സൌകര്യങ്ങള്‍ ഒരുക്കാതെ ഉള്ള വികസനങ്ങള്‍ എത്രത്തോളം ഫല പ്രദം ആകും എന്ന്. നാം തന്നെ ചിന്തിക്കേണ്ടിയിരിക്കുന്നു. ഇന്നും പല വ്യാപാര സ്ഥാപനങ്ങളിലും സ്ത്രീകള്‍ക്കായുള്ള മൂത്രപ്പുരകള്‍ ഇല്ലത്രെ. കോടികളുടെ ലാഭം കൊയ്യുന്ന മുതലാളിമാര്‍ക്ക് തങ്ങളുടെ തൊഴിലാളികളോട് യാതൊരു ബാധ്യതയും ഇല്ല എന്നാണോ? കൃത്യമായി നികുതിപ്പണം പിരിക്കുന്ന സര്‍ക്കാരിനു ജനങ്ങള്‍ക്കായി അടിസ്ഥാന സൗകര്യങ്ങള്‍ ഒരുക്കാന്‍ ബാധ്യത ഇല്ല എന്നാണോ? ഇനി ഉള്ള പൊതുശൗചാലയങ്ങള്‍ വൃത്തിയായി ഉപയോഗിക്കാന്‍ നമുക്ക് യാതൊരു ബാധ്യതയും ഇല്ല എന്നുണ്ടോ?


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.