2018 September 25 Tuesday
ലോകത്തെ മാറ്റിമറിക്കാന്‍ ഇറങ്ങുന്നവര്‍ ആദ്യം സ്വയം മാറ്റിമറിക്കട്ടെ
സോക്രട്ടീസ്

വാഹനം പെട്രോള്‍ പമ്പില്‍ നിര്‍ത്തിയിട്ട് വെല്‍ഫെയര്‍ പാര്‍ട്ടി പ്രതിഷേധം

ഫറോക്ക്: ഇന്ധനവില വര്‍ധനവിനെതിരെ ദേശവ്യാപകമായി നടക്കുന്ന പ്രക്ഷോഭത്തിന് ഐക്യദാര്‍ഢ്യം പ്രഖ്യാപിച്ച് പെട്രോള്‍ പമ്പില്‍ വാഹനം നിര്‍ത്തിയിട്ട് പ്രതിഷേധം. വെല്‍ഫെയര്‍ പാര്‍ട്ടി ബേപ്പൂര്‍ മണ്ഡലം കമ്മിറ്റിയാണ് വേറിട്ട രീതിയിലുള്ള പ്രതിഷേധം സംഘടിപ്പിച്ചത്.
അരീക്കാട് റിലയന്‍സ് പെട്രോള്‍ പമ്പില്‍ നടന്ന പ്രതിഷേധം ജില്ലാ വൈസ് പ്രസിഡന്റ് പി.സി മുഹമ്മദ് കുട്ടി ഉല്‍ഘാടനം ചെയ്തു. മണ്ഡലം കമ്മിറ്റി ട്രഷറര്‍ ഷമീര്‍ മീഞ്ചന്ത അധ്യക്ഷത വഹിച്ചു. എഫ്.ഐ.ടി.യു ജില്ലാ സെക്രട്ടറി എം.എ ഖയ്യൂം മുഖ്യപ്രഭാഷണം നിര്‍വഹിച്ചു. മണ്ഡലം ജനറല്‍ സെക്രട്ടറി എന്‍.വി ബീരാന്‍ കോയ, ടി. അതീഖ്‌റഹ്മാന്‍ എന്നിവര്‍ സംസാരിച്ചു. ടി. സിറാജ്, കെ.ടി ഹാരിസ്, ഗഫൂര്‍ മാത്തോട്ടം എന്നിവര്‍ പ്രതിഷേധത്തിന് നേതൃത്വം നല്‍കി.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.