2019 July 23 Tuesday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

വായന മരിക്കാതിരിക്കട്ടെ…പുസ്തകങ്ങളും

നമ്മള്‍ വീണ്ടും വായനാ ദിനം ആഘോഷിച്ചിരിക്കുകയാണ്. പതിവുപോലെ സ്‌കൂളുകളില്‍ പരിപാടികള്‍ അരങ്ങേരും. കുട്ടികള്‍ പ്രതിജ്ഞ ചൊല്ലും.
അതോടെ അവസാനിക്കും നമ്മുടെ വായനാ ദിനപരിപാടികള്‍. എന്നാല്‍ ഒരു ദിവസത്തെ ആഘോഷങ്ങളില്‍ മാത്രം തീരുന്നതാണോ നമ്മുടെ വായന?. അല്ല നമ്മള്‍ വായനയിലൂടെ വളരേണ്ടവരാണ്. കലാലയങ്ങളിലെ ലൈബ്രറികള്‍ എന്നും സജീവമാകേണ്ടതുണ്ട്.

എന്നാല്‍ നമ്മുടെ നാട്ടിലെ കലാലയങ്ങളില്‍ എത്രത്തോളം ലൈബ്രറികള്‍ സജീവമാണ് എന്നുള്ളത് നമ്മള്‍ പരിശോധിക്കേണ്ടതുണ്ട്. ഒരുകാലത്ത് നമ്മുടെ നാടുകളില്‍ വായനശാലകളും അതിന്റെ കൂടെ ലൈബ്രറികളും സജീവമായിരുന്നു. പ്രായ, മത, ജാതി വ്യത്യാസമില്ലാതെ ജനങ്ങള്‍ ഒരുമിച്ചുകൂടുകയും സജീവമായ ചര്‍ച്ചകള്‍ നടത്താനും നാട്ടില്‍ ക്രിയാത്മകമായ പ്രവര്‍ത്തനങ്ങള്‍ കൊണ്ടുവരാനും നമ്മുടെ വായനശാലകള്‍ക്ക് കഴിഞ്ഞിരുന്നു.

എന്നാല്‍ കാലംമാറിയപ്പോള്‍ വായനശാലകള്‍ ഷോപ്പിങ് കോംപ്ലക്‌സുകളായിമാറി. നാട്ടിലെ ക്രിയാത്മകപ്രവര്‍ത്തനങ്ങള്‍ മരിച്ചു. നാടുകളില്‍ മത, ജാതി ചിന്തകള്‍ സജീവമായി. അതിനാല്‍ നമ്മുടെ വായന തിരിച്ചുകൊണ്ടുവരിക.
വരും തലമുറക്കുവേണ്ടി വായനശാലകളും പുസ്തകങ്ങളും നമുക്ക് കാത്തുവക്കാം.

എ.കെ നസീംഅലി
ചെറുവാടി


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.