2019 June 17 Monday
നമ്മളിലുള്ള നന്മയാണു നമ്മുടെ നീതിബോധം -തിരുവള്ളുവര്‍

വരികള്‍ക്കിടയില്‍

ശശിധരന്‍ ഫറോക്ക്

കറവ വറ്റുന്ന പശു പാല്‍ചുരത്തും കണക്കെ

മഴക്കാലമാണേലും മേഘാവൃതമാനം
ഇടക്കിടെയേ മഴ ചൊരിഞ്ഞുള്ളൂ.
കണക്കുതെറ്റിയ കര്‍ഷകമുഖം പോലെ
മഞ്ഞിന്റെ മുഖത്തിപ്പോള്‍ വല്ലാത്ത മഞ്ഞളിപ്പ്.
ലക്ഷ്യം പിഴച്ച മുതലാളിയുടെ മുറുമുറുപ്പ്
മുറതെറ്റിയ ജപം പോലെ മുങ്ങിപ്പൊങ്ങുന്നു.
അടിവസ്ത്രം ധരിക്കാത്ത കുസൃതിയെപ്പോല്‍
ഒഴുക്കു നിലച്ച പുഴക്കൊരു
തെളിയാത്ത പ്രതികാരച്ചിരി.
കരഞ്ഞു വീര്‍ത്ത കണ്‍പോളകളെപ്പോലെ
ഉറവ വറ്റിയ കിണറ്റിന്നടിയില്‍
ചേടിപ്പാറ എഴുന്നുനിന്നു.
താളം തെറ്റിയ ശ്രുതിഗീതമായും,
വരികള്‍ക്കിടയില്‍ പിടയുന്ന കവിതയായും
തപ്പിത്തടയുന്നു ജീവിതമങ്ങനെയിങ്ങനെ.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.