2019 June 19 Wednesday
നമ്മളിലുള്ള നന്മയാണു നമ്മുടെ നീതിബോധം -തിരുവള്ളുവര്‍

വയല്‍ക്കണ്ണനെത്തി; വരാനിരിക്കുന്നത് വരള്‍ച്ചയോ?

പൊന്നാനി: വരണ്ട കാലാവസ്ഥയില്‍ മാത്രം കണ്ടുവരുന്ന പക്ഷിയെ ചാവക്കാട് തീരത്ത് കണ്ടെത്തി. കേരളത്തില്‍ വരാനിരിക്കുന്ന രൂക്ഷമായ വരള്‍ച്ചയുടെ ലക്ഷണമാണിതെന്നാണ് ചില പക്ഷി നിരീക്ഷകരുടെ മുന്നറിയിപ്പ്.

തമിഴ്‌നാട്ടിലെയും കര്‍ണാടകത്തിലെയും വരണ്ട പ്രദേശങ്ങളില്‍ കാണുന്ന വയല്‍ക്കണ്ണന്‍(യുറേഷ്യന്‍ സ്റ്റോണ്‍ കാര്‍ല്യു) പക്ഷികളെയാണ് ചാവക്കാട് തീരത്തിനടുത്ത് കണ്ടെത്തിയത്. പക്ഷിനിരീക്ഷകനായ ഷിനോ ജേക്കബ് കൂറ്റനാടാണ് പക്ഷികളെ കണ്ടെത്തിയത്. ഇതിന് മുന്‍പും ഇവയെ ചാവക്കാട് തീരങ്ങളില്‍ കണ്ടെത്തിയിട്ടുണ്ട്. മണ്ണിനോടും ഉണങ്ങിയ ചെടികളോടും സാദൃശ്യമുള്ള നിറമാണ് ഈ ചെറിയ പക്ഷികള്‍ക്ക്. വരണ്ട മണ്ണില്‍ കാണുന്ന ചെറുജീവികളാണ് പ്രധാന ഭക്ഷണം.രാത്രി ഇരതേടുന്ന ഇവ പകല്‍ മിക്കവാറും ഉറക്കമായിരിക്കും. ഇണകളില്‍ ഒന്ന് ഉറങ്ങുന്ന സമയത്ത് മറ്റേത് കാവലിരിക്കുകയാണ് പതിവ്. ആക്രമിക്കപ്പെടാവുന്ന സാഹചര്യങ്ങളില്‍ മണ്ണില്‍ അനക്കമില്ലാതെ കിടക്കുന്ന ഇവ തക്കം പാര്‍ത്ത് രക്ഷപ്പെടുകയാണ് പതിവ്.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.