2019 February 18 Monday
യുക്തിയും ശാന്തമായി തീരുമാനമെടുക്കാനുള്ള കഴിവുമാണ് ഒരു നേതാവിനുവേണ്ട വിശിഷ്ടഗുണങ്ങള്‍ -കോര്‍ണിലിയസ് ടാസിറ്റസ്‌

വയര്‍ കുറയ്ക്കാന്‍ യോഗാസനങ്ങള്‍

ആചാര്യ നരേന്ദ്രഭൂഷണ്‍

നൗകാസന

വയറിലെ മേദസ് പ്രത്യേകിച്ച് അടിവയറില്‍ അരക്കെട്ടിനോട് ചേര്‍ന്ന ഭാഗത്ത് കുറയ്ക്കാന്‍ ഉത്തമമായ യോഗയാണിത്. ഈ യോഗ ചെയ്യുന്നതുവഴി കാലുകളിലെ പേശികളെയും പുറത്തെ പേശികളെയും ദൃഢപ്പെടുത്താന്‍ കഴിയും.

ചെയ്യേണ്ട വിധം

കാലുകള്‍ അടുപ്പിച്ചുവച്ച് നീട്ടി മലര്‍ന്നുകിടക്കുക. കൈകള്‍ വശങ്ങളില്‍ ചേര്‍ത്തുവയ്ക്കുക. ശക്തമായി ശ്വാസം ഉള്ളിലേക്ക് വലിയ്ക്കുക. കാലുകള്‍ മടങ്ങാതെ സാവധാനം ഉയര്‍ത്തിക്കൊണ്ടുവരിക. പാദങ്ങളും വിരലുകളും നീട്ടുക. മുട്ടുവളയാതെ കാലുകള്‍ ഉയര്‍ത്താവുന്നത്ര ഉയര്‍ത്തുക. കൈകള്‍ ഉയര്‍ത്തി പാദത്തിന്റെ അഗ്രത്തില്‍ തൊടുക. മുട്ടുവളയരുത്. ഈ യോഗ നിലയില്‍ നിങ്ങള്‍ 45 ഡിഗ്രി കോണിലായിരിക്കും ഉണ്ടാവുക. സാധാരണ നിലയില്‍ ശ്വസിക്കുക. ഇതേനിലയില്‍ 15 സെക്കന്റ് തുടരുക. ശ്വാസം പുറത്തേക്കുവിട്ടുകൊണ്ട് കാലുകള്‍ താഴ്ത്തുക. കൈകള്‍ ശരീരത്തിന്റെ ഇരുവശത്തും കൊണ്ടുവരിക. 15 സെക്കന്റുകള്‍ക്കു ശേഷം യോഗ ആവര്‍ത്തിക്കുക. തുടര്‍ച്ചയായി അഞ്ചുതവണ ചെയ്യുക.
(അടുത്തത്: കുംഭാസന)


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.