2019 June 16 Sunday
കാരുണ്യമില്ലാത്തവന് ദൈവത്തിന്റെ കാരുണ്യവുമില്ല – മുഹമ്മദ് നബി (സ)

വയര്‍ കുറയ്ക്കാന്‍ പവനമുക്താസന

ആചാര്യ നരേന്ദ്രഭൂഷണ്‍

പുറംവേദനയ്ക്കുള്ള ഉത്തമപ്രതിവിധിയാണ് പവനമുക്താസന. ശരീരത്തിന്റെ ഇരുവശത്തുമുള്ള മേദസ് കുറച്ച് പേശികള്‍ ദൃഢമാക്കും. തുടകളുടെയും അരക്കെട്ടിനെയും ബലപ്പെടുത്തും. ശരീരത്തിന്റെ പിഎച്ച് ലെവല്‍ നിയന്ത്രിക്കാന്‍ പവനമുക്താസനത്തിന്‌ശേഷിയുണ്ടെന്ന് ശാസ്ത്രം പറയുന്നു. ഇതുവഴി വയറിന്റെ ആരോഗ്യവും ശരീരത്തിലെ മെറ്റബോളിസവും കൂട്ടാനും ഈ യോഗ ഉത്തമമാണ്.

ചെയ്യേണ്ട വിധം

താഴെ മലര്‍ന്നുകിടക്കുക. കാല്‍നീട്ടിവയ്ക്കുക. കാലുകളുടെ ഉപ്പൂറ്റികള്‍ ചേര്‍ത്തുവയ്ക്കുക. കൈകള്‍ വശങ്ങളില്‍ വയ്ക്കണം. ശക്തമായി നിശ്വസിക്കുക. മുട്ടുമടക്കി നെഞ്ചിലേക്ക് കൊണ്ടുവരിക. തുടകള്‍ വയറിലെ പേശികളെ അമര്‍ത്തണം. തുടകള്‍ക്ക് പിന്നില്‍ കൈകള്‍ ചേര്‍ത്ത് പിടിച്ച് മുട്ടിനെ നെഞ്ചിലേക്ക് കൂടുതല്‍ അടുപ്പിക്കുക. ശക്തമായി ശ്വാസം ഉള്ളിലേക്കു വലിയ്ക്കുക. ഇതേനിലയില്‍ 60 സെക്കന്റുകള്‍ മുതല്‍ 90 സെക്കന്റുകള്‍ വരെ തുടരുക. ശ്വാസം പുറത്തേക്കുവിട്ടുകൊണ്ട് കാലുകള്‍ താഴേക്ക് കൊണ്ടുപോയി പഴയ സ്ഥിതിയിലെത്തിക്കുക. കൈകള്‍ ശരീരത്തിന്റെ വശങ്ങളില്‍ വയ്ക്കുക. 15 സെക്കന്റ് വിശ്രമത്തിനുശേഷം ഇത് ആവര്‍ത്തിക്കുക. അഞ്ചുപ്രാവശ്യം ചെയ്യുക.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.