2019 May 23 Thursday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

വയനാട്ടിലെ സ്ഥാനാര്‍ഥിത്വം കേരളത്തെ അടുത്തറിയാന്‍ സഹായിക്കും: രാഹുല്‍

ആലപ്പുഴ: കേരളത്തിലെ ജനങ്ങളുടെ സംസ്‌കാരവും കേരളത്തിന്റെ ചരിത്രവും പൈതൃകവുമെല്ലാം നേരിട്ടറിയാനാണ് താന്‍ വയനാട്ടില്‍ മത്സരിക്കുന്നതെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. എന്റെ മനസിലെ ആശയങ്ങള്‍ നിങ്ങളുമായി പങ്ക്‌വയ്ക്കാനല്ല, മറിച്ച് നിങ്ങളുടെ മനസിലുള്ളത് അറിയാനാണ് ഞാന്‍ ആഗ്രഹിക്കുന്നത്. കേരളത്തിലെ ജനങ്ങള്‍, അവര്‍ ഏത് പാര്‍ട്ടിക്കാരനാണെങ്കിലും അവരുടെ മനസിലുള്ളതറിയാന്‍ തനിക്ക് ഏറെ താല്‍പര്യമുണ്ട്. അതിന് വയനാട്ടിലെ തന്റെ സ്ഥാനാര്‍ഥിത്വം സഹായകമാകുമെന്നും രാഹുല്‍ ഗാന്ധി പറഞ്ഞു.
ആലപ്പുഴ മുനിസിപ്പല്‍ സ്റ്റേഡിയത്തില്‍ യു.ഡി.എഫ് സ്ഥാനാര്‍ഥി ഷാനിമോള്‍ ഉസ്മാന്റെ തെരഞ്ഞെടുപ്പ് പ്രചാരണ സമ്മേളനത്തില്‍ സംസാരിക്കുകയായിരുന്നു രാഹുല്‍. എ.ഐ.സി.സി ജന. സെക്രട്ടറി കെ.സി വേണുഗോപാല്‍ എം.പി അധ്യക്ഷനായി. സ്ഥാനാര്‍ഥി ഷാനിമോള്‍ ഉസ്മാന്‍, എ.കെ ആന്റണി, രമേശ് ചെന്നിത്തല, എം. ലിജു പ്രസംഗിച്ചു. വയലാര്‍ രവി, എ.ഐ.സി.സി ജന. സെക്രട്ടറി മുകുള്‍ വാസ്‌നിക്, എം. മുരളി എന്നിവര്‍ സന്നിഹിതരായിരുന്നു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.