2020 July 12 Sunday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

വന്ദേഭാരത്: ബഹ്റൈനില്‍ നിന്ന് ഇനി കേരളത്തിലേക്ക് 5 വിമാനങ്ങള്‍ മാത്രം! എല്ലാം തിരുവനന്തപുരത്തേക്ക്..

ഉബൈദുല്ല റഹ് മാനി

  • കൊച്ചിയിലേക്കും മലബാറിലേക്കും ഇത്തവണ സർവീസ് ഇല്ല

മനാമ: വന്ദേഭാരത് ദൗത്യത്തിെൻറ മൂന്നാം ഘട്ടത്തിൽ ബഹ്റൈനിൽനിന്ന് കേരളത്തിലേക്ക് അഞ്ച് വിമാനങ്ങൾ മാത്രം.
ഇവയെല്ലാം പുറപ്പെടുന്നത് തിരുവനന്തപുരത്തേക്കാണ്.

ബഹ്റൈനില്‍ നിന്ന് ആകെയുള്ള സർവീസുകളില്‍ ബാക്കി 9 സര്‍വ്വീസും ഇതര സംസ്ഥാനങ്ങളിലേക്കാണ്.
ജൂൺ 11, 13, 15, 17, 19 തിയ്യതികളിലാണ് തിരുവനന്തപുരത്തേക്ക് എയര്‍ ഇന്ത്യ എക്സ്പ്രസ് സര്‍വ്വീസ് നടത്തുന്നത്.
മറ്റു സര്‍വ്വീസുകളും തീയതികളും ഇപ്രകാരമാണ്:
ജൂൺ 9- ചെന്നൈ, 10ന് ഡൽഹി, ചെന്നൈ, 12ന് ഡെൽഹി, 13ന് ബംഗളൂരു, 14ന് വിജയവാഡ, ഡെൽഹി, 16ന് ഡെൽഹി, 18ന് ചെന്നൈ.
ഇതുവരെ നടന്ന രണ്ട് ഘട്ടങ്ങളില്‍ കേരളത്തിലേക്ക് 9 സർവീസുകളാണ് നടത്തിയത്. അതിൽ എട്ടും കേരളത്തിലേക്കായിരുന്നു. ഒരെണ്ണം ഹൈദരാബാദിലേക്കും നടത്തി.
അടുത്ത ഘട്ടങ്ങളിൽ മറ്റ് സംസ്ഥാനങ്ങളിലേക്ക് കൂടുതൽ സർവീസ് വേണമെന്ന് ആവശ്യമുയർന്നതിനെ തുടര്‍ന്നാണ് ഈ സര്‍വ്വീസുകള്‍ എന്നാണ് മനസ്സിലാകുന്നത്.
അതേ സമയം 5 സർവീസുകൾ തിരുവനന്തപുരത്തേക്ക് ഉണ്ടെങ്കിലും കൊച്ചിയിലേക്കും മലബാർ ഭാഗത്തേക്കും സർവീസ് ഇല്ലാത്തത് ഈ ഭാഗത്തെ യാത്രക്കാരെ നിരാശരാക്കുന്നതാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.