2018 November 14 Wednesday
യഥാര്‍ഥ സൗഹൃദത്തേക്കാള്‍ വില നല്‍കാവുന്ന ഒന്നും തന്നെ ഈ ലോകത്തിലില്ല.

വനിതകള്‍ക്കും ഇനി ബൈക്കോടിക്കാം; ഡ്യൂവല്‍ മോഡുമായി എന്‍ജിനീയറിങ് വിദ്യാര്‍ഥികള്‍

ദേശമംഗലം : ഇരുചക്രവാഹനങ്ങളില്‍ ഡ്യൂവല്‍ മോഡ് തരംഗവുമായി ദേശമംഗലം മലബാര്‍ എന്‍ജിനീയറിങ് കോളജ് വിദ്യാര്‍ഥികള്‍.
ബൈക്കുകള്‍ ഗിയറില്ലാതേയും, ഗിയറോടുകൂടിയും ഓടിക്കാനാവുമെന്നത് ബൈക്ക് സവാരി ഇഷ്ടപ്പെടുന്ന വനിതകള്‍ക്ക് ഏറെ സന്തോഷം പകരുകയാണ്. ഇതോടെ സ്‌ക്കൂട്ടര്‍, ബൈക്ക് എന്ന വേര്‍തിരിവും ഇല്ലാതാകും. ഗിയറുള്ള ബൈക്ക് ഗിയര്‍ലെസ് സംവിധാനത്തിലേക്ക് എളുപ്പത്തില്‍ മാറ്റാനാകുമെന്നതാണ് കണ്ടുപിടുത്തത്തിന്റെ സവിശേഷത.
എം. നിധിന്‍, പള്ളത്ത് നന്ദു , പി.എം പ്രവീണ്‍, സെബിന്‍ സാബു , എ.ജെ സൂരജ് എന്നിവരുടെ അക്ഷീണ പരിശ്രമത്തിന്റെ ഫലമാണ് ഭാവിയില്‍ വന്‍തരംഗം സൃഷ്ടിക്കാന്‍ സാധ്യതയുള്ള പുതിയ പരീക്ഷണ വിജയം. നേട്ടം കൈവരിച്ച വിദ്യാര്‍ഥി പ്രതിഭകളെ കോളജ് ചെയര്‍മാന്‍ കെ. എസ്. ഹംസ, മെക്കാനിക്കല്‍ വിഭാഗം മേധാവി എ. അനീഷ്, പ്രൊജക്ട് ഗൈഡ് ഷിബു അഗസ്റ്റിന്‍ അനുമോദിച്ചു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.