2018 September 19 Wednesday
പതിനായിരം ബന്ധുക്കള്‍ക്ക് പകരം നില്‍ക്കാന്‍ ഒരേയൊരു ആത്മാര്‍ഥ സുഹൃത്ത് മതി.
യൂറിപ്പിഡിസ്

വടക്കുകിഴക്കന്‍ യൂനിറ്റില്‍ ജവാന്‍ മരിച്ചു; ലഹളയുണ്ടായെന്ന വാര്‍ത്ത നിഷേധിച്ച് സേന

ന്യൂഡല്‍ഹി: വടക്കുകിഴക്കന്‍ സൈനിക യൂനിറ്റില്‍ ജവാന്‍ മരിച്ചു. ഹൃദയസ്തംഭനത്തെ തുടര്‍ന്നാണ് മരണമെങ്കിലും മുഴുവന്‍ യൂനിറ്റിനെയും പത്തുകിലോമീറ്റര്‍ നടത്തിയതാണ് മരണകാരണമെന്നാരോപണമുയര്‍ന്നു. ഇതിനെ തുടര്‍ന്ന് സൈനിക യൂനിറ്റില്‍ ലഹള ഉണ്ടായെന്നും മുതിര്‍ന്ന ഓഫിസര്‍മാരെ ജവാന്‍മാര്‍ ഉപരോധിച്ചെന്നും മറ്റുമുള്ള റിപ്പോര്‍ട്ടുകള്‍ സൈനിക വക്താവ് നിഷേധിച്ചു.
ജവാന്‍ മരിച്ചതോടെ ശക്തമായി പ്രതികരിച്ച നാലോ അഞ്ചോ ജവാന്‍മാര്‍ ഓഫിസര്‍മാരുടെ നടപടിയെ ചോദ്യം ചെയ്യുകയും അവരെ കയ്യേറ്റം ചെയ്തതായും പലര്‍ക്കും പരുക്കുപറ്റിയതായും സൈനിക വക്താവ് സ്ഥിരീകരിച്ചിട്ടുണ്ട്.
എന്നാല്‍ ഇത് ലഹളയല്ലെന്നും ജവാന്‍മാരെ റൂട്ട് മാര്‍ച്ച് നടത്തുന്നതിനു മുമ്പുതന്നെ തനിക്ക് നെഞ്ചുവേദനയുണ്ടെന്ന് മരിച്ച ജവാന്‍ പറഞ്ഞിരുന്നതായും വക്താവ് അറിയിച്ചു. യൂനിറ്റ് മെഡിക്കല്‍ ഓഫിസര്‍ പരിശോധന നടത്തുകയും ചെയ്തു. പിന്നീട് റൂട്ട്മാര്‍ച്ചിനിടെ ജവാന്‍ കുഴഞ്ഞുവീണു മരിക്കുകയായിരുന്നു.
ലഹളയുണ്ടായെന്ന രീതിയില്‍ സാമൂഹ്യമാധ്യമങ്ങളില്‍ വാര്‍ത്തകള്‍ വന്നതോടെയാണ് വിശദീകരണം.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.