2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

വടകര സ്വദേശിയെ ബഹ്‌റൈനില്‍ ആത്മഹത്യ ചെയ്ത നിലയില്‍ കണ്ടെത്തി

മനാമ: ബഹ്‌റൈന്‍ പ്രവാസിയായ മലയാളിയെ താമസസ്ഥലത്ത് ആത്മഹത്യ ചെയ്ത നിലയില്‍ കണ്ടെത്തി. വടകര തീക്കുനി സ്വദേശി പ്രകാശന്‍ മേമത്‌പൊയിലിനെ(44)ആണ് കരീമി റൗണ്ട് എബൗട്ടിനടുത്തുള്ള താമസ സ്ഥലത്ത് തൂങ്ങി മരിച്ച നിലയില്‍ കണ്ടെത്തിയത്. 

ബഹ്‌റൈനിലെ അല്‍മുഅയ്യദ് ഫര്‍ണിഷിംഗ് കന്പനിയില്‍ ജോലി ചെയ്തു വരികയായിരുന്നു . വര്‍ഷങ്ങളായി ബഹ്‌റൈനില്‍ കുടുംബ സമേതമായിരുന്നു താമസം. ഭാര്യ ഷിജിനിയും രണ്ട് മക്കളും ബഹ്‌റൈനില്‍ ഉണ്ടായിരുന്നു. സ്‌കൂള്‍ അവധിയായതിനാല്‍ രണ്ടാഴ്ച മുന്പാണ് കുടുംബം നാട്ടിലേക്ക് പോയത്.മരണ കാരണം വ്യക്തമല്ല.  സംഭവം അറിഞ്ഞയുടന്‍ പോലീസ് സ്ഥലത്തെത്തി മൃതദേഹം സല്‍മാനിയ മെഡിക്കല്‍ സെന്റര്‍ മോര്‍ച്ചറിയിലേക്ക് മാറ്റി. അന്വേഷണമാരംഭിച്ചിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.