ലോക്കപ്പുകള്‍ സി.സി.ടി.വി നിരീക്ഷണത്തില്‍
തിരുവനന്തപുരം: സംസ്ഥാനത്തെ ലോക്കപ്പുകളുള്ള എല്ലാ പൊലിസ് സ്റ്റേഷനുകളിലും സി.സി.ടി.വി കാമറകള്‍ നിര്‍ബന്ധമാക്കി. രണ്ട് ദിവസത്തിനുള്ളില്‍ സി.സി.ടി.വി കാമറകള്‍ സ്ഥാപിക്കാന്‍ ഡി.ജി.പി ലോക്‌നാഥ് ബെഹ്‌റയാണ് നിര്‍ദേശം നല്‍കിയത്. വരാപ്പുഴ കസ്റ്റഡി മരണത്തിന്റെ പശ്ചാത്തലത്തിലാണ് സംസ്ഥാന പൊലിസ് മേധാവിയുടെ അടിയന്തര നിര്‍ദേശം.
സംസ്ഥാനത്തെ 471 സ്റ്റേഷനുകളിലാണ് ലോക്കപ്പുകള്‍ ഉള്ളത്. ഇതില്‍ 110 സ്‌റ്റേഷനുകളില്‍ നേരത്തെതന്നെ കാമറകള്‍ സ്ഥാപിച്ചിരുന്നു. ബാക്കിയുള്ളവയിലാണ് രണ്ടുദിവസത്തിനുള്ളില്‍ കാമറ സ്ഥാപിക്കാന്‍ നിര്‍ദേശം നല്‍കിയത്.
കാമറകള്‍ പൊലിസ് സ്റ്റേഷനിലെ കംപ്യൂട്ടറുമായി ബന്ധിപ്പിക്കും. ഇത് ആഴ്ചയിലൊരിക്കല്‍ എസ്.പി റാങ്കിലുള്ള ഉദ്യോഗസ്ഥന്‍ നേരിട്ട് പരിശോധിക്കും. ഇതിലൂടെ സ്റ്റേഷനിലെ മര്‍ദനവും മോശം പെരുമാറ്റവും കൈക്കൂലിയുമെല്ലാം നിയന്ത്രിക്കാനാവുമെന്നാണ് പൊലിസ് മേധാവിയുടെ കണക്കുകൂട്ടല്‍.
സാങ്കേതിക നടപടികള്‍ മൂലമുള്ള കാലതാമസം ഒഴിവാക്കാനായി സ്റ്റേഷന്റെ ചുമതലയുള്ള ഉദ്യോഗസ്ഥന്‍ ലോക്കല്‍ പര്‍ച്ചേസിലൂടെ കാമറ വാങ്ങി സ്ഥാപിക്കാനും പിന്നീട് ഡി.ജി.പിയുടെ ഫണ്ടില്‍നിന്ന് പണം തിരികെ നല്‍കാമെന്നും ഉത്തരവില്‍ പ്രത്യേകം നിര്‍ദേശിക്കുന്നുണ്ട്.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- എന്ത് കൊണ്ട് കെ.സി വേണുഗോപാല്!; രാഹുല് ഗാന്ധി വിശ്വസ്തനെ കൂടുതല് ചേര്ത്തു പിടിക്കുമ്പോള്
- ആയിരം ദിവസം; ആയിരം ക്ഷേമവികസന പദ്ധതികള്; വിപുലമായ ആഘോഷങ്ങള്ക്കൊരുങ്ങി സംസ്ഥാന സര്ക്കാര്
- ഹൈക്കമാന്ഡ് ആവശ്യപ്പെട്ടാല് മത്സരിക്കുന്ന കാര്യം ആലോചിക്കാം: സാധ്യത തള്ളാതെ ഉമ്മന്ചാണ്ടി
- തുന്നല്ക്കാരന്റെ മകന് ഷഹദാബ് ഹുസൈന്- ആദ്യ ശ്രമത്തില് സി.എ ഒന്നാം സ്ഥാനത്തെത്തിയ മിടുക്കന്
- പ്രതിഷേധവുമായി നാട്ടുകാര്; വല്ലാര്പാടം കണ്ടെയ്നര് റോഡില് തല്ക്കാലം ടോള് പിരിക്കില്ല
