2019 August 25 Sunday
സുഹൃത്തുക്കളോടു നന്നായി പെരുമാറുക; അവര്‍ നിങ്ങളോടു കൂടുതല്‍ അടുക്കും. ശത്രുക്കളോടും നന്നായി പെരുമാറുക;അവരെ നേടാന്‍ നിങ്ങള്‍ക്കു കഴിയും.

ലോകാരോഗ്യ സംഘടനയുടെ പ്രഥമ വ്യക്തിത്വ പുരസ്‌കാരം ബഹ്‌റൈന്‍ പ്രധാനമന്ത്രിക്ക്

ഉബൈദുല്ല റഹ്മാനി

 

മനാമ: ബഹ്‌റൈന്‍ പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ അല്‍ ഖലീഫയെ ലോകാരോഗ്യ സംഘടന ആദരിക്കുന്നു.
ലോകാരോഗ്യ സംഘടന പ്രഖ്യാപിച്ച പ്രഥമ അന്താരാഷ്ട്ര വ്യക്തിത്വ പുരസ്‌കാരം നല്‍കിയാണ് ബഹ്‌റൈന്‍ രാജാവിനെ ആദരിക്കുന്നത്.
ലോകാരോഗ്യ സംഘടനയുടെ ചരിത്രത്തിലാദ്യമായാണ് ഇത്തരമൊരു ആദരവ് നല്‍കുന്നതെന്ന് സംഘടന ഡയരക്ടര്‍ ഡോ. ടെഡ്‌റോസ് അദാനോം ഗബ്രിയേസസ് അറിയിച്ചു.

ആരോഗ്യ മേഖലയില്‍ അദ്ദേഹം നല്‍കിയ സേവനങ്ങള്‍ പരിഗണിച്ചാണ് ആദരവെന്നും ലോകാരോഗ്യ സംഘടനയുടെ 72ാമത് യോഗത്തില്‍ വെച്ച് ആദരവ് സമര്‍പ്പിക്കുമെന്നും അദ്ദേഹം അറിയിച്ചു. ആരോഗ്യ മേഖലയില്‍ ലോകരാജ്യങ്ങള്‍ക്ക് മാതൃകാപരമായ ഒട്ടേറെ മാറ്റങ്ങള്‍ക്ക് തുടക്കമിടാന്‍ പ്രധാനമന്ത്രിക്ക് സാധിച്ചതായി സംഘടന വിലയിരുത്തിയിട്ടുണ്ട്.
1978 മുതല്‍ ലോകാരോഗ്യ സംഘടനയുമായി വിവിധ മേഖലകളില്‍ ബഹ്‌റൈന്‍ സഹകരിച്ച് പ്രവര്‍ത്തിച്ചു കൊണ്ടിരിക്കുന്നുണ്ട്. 2000ത്തോടെ എല്ലാവര്‍ക്കും മെച്ചപ്പെട്ട ആരോഗ്യ സേവനം ഉറപ്പുവരുത്താന്‍ ബഹ്‌റൈന് സാധിച്ചിട്ടുണ്ട്.
ലോകാരോഗ്യ സംഘടനയുടെ മാനദണ്ഡങ്ങള്‍ പാലിച്ച് 2002 മുതല്‍ 2010 വരെയുള്ള കാലയളവില്‍ ആരോഗ്യ പദ്ധതിക്ക് തുടക്കമിടാനും സാധിച്ചെന്ന് ഗബ്രിയേസസ് കൂട്ടിച്ചേര്‍ത്തു.
194 രാജ്യങ്ങളില്‍ നിന്നുള്ള പ്രതിനിധികളാണ് ലോകാരോഗ്യ സംഘടനയിലുള്ളത്.
ഇന്ന് ജനീവയിലെ യു.എന്‍ ആസ്ഥാനത്ത് നടക്കുന്ന ചടങ്ങില്‍ പ്രധാനമന്ത്രി ആദരവ് ഏറ്റുവാങ്ങുമെന്ന് ബഹ്‌റൈനിലെ ഉന്നത വൃത്തങ്ങള്‍ അറിയിച്ചു.
വിവിധ രാജ്യങ്ങളില്‍ നിന്നുള്ള മന്ത്രിമാര്‍, സര്‍ക്കാര്‍ പ്രതിനിധികള്‍ തുടങ്ങിയ പ്രമുഖര്‍ ചടങ്ങില്‍ സംബന്ധിക്കും.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News

Trending News