2018 April 21 Saturday
ജീവിതം സുഖകരമാവട്ടെ, വേനല്‍ക്കാലത്തെ പൂക്കളെപോലെ. മരണവും സുന്ദരമാകട്ട, ശരത്കാലത്തെ പഴുത്തിലപോലെ.
-ടാഗോര്‍

ലോകത്തെ ഏറ്റവും പ്രായമേറിയ ആണ്‍ പാണ്ട വിടവാങ്ങി

 

ബീജിങ്: ലോകത്തെ ഏറ്റവും പ്രായമേറിയ പാന്‍ പാന്‍ എന്ന ആണ്‍ പാണ്ട കണ്ണടച്ചു. കാന്‍സര്‍ ബാധിച്ചാണ് മരണം. ചൈനയിലെ സിച്വാന്‍ മേഖലയിലായിരുന്നു ഈ 31 കാരന്റെ വാസം.

1985 ല്‍ സിന്‍ച്വാസ് വനത്തിലാണ് ഈ പാണ്ട മുത്തച്ഛന്റെ ജനനം. പക്ഷെ, അധികം വൈകാതെ മനുഷ്യ കരങ്ങളിലെത്തി. ജനങ്ങളുടെ സ്‌നേഹവായ്പ്പുകള്‍ ഏറ്റുവാങ്ങി ജീവിതം മുന്നോട്ടു പോയിരുന്നപ്പോഴാണ് രോഗ ബാധിതനാവുന്നത്.

കഴിഞ്ഞ ജൂണില്‍ കാന്‍സറും ഒപ്പം വാര്‍ധക്യ രോഗങ്ങളും ആരോഗ്യനില ദുര്‍ബലമാക്കി. പ്രജനനത്തിലും പാന്‍ പാനിന്റെ പങ്ക് വലുതാണ്. 130 സന്താനങ്ങളാണ് കഴിഞ്ഞ 20 വര്‍ഷത്തിനിടെ ഉണ്ടായത്.

പാണ്ടയുടെ ശരാശരി ആയുസ്സ് 20 വര്‍ഷമാണ്. ലോകത്താകമാനം രണ്ടായിരത്തില്‍ താഴെ മാത്രം പാണ്ടകളാണ് ജീവിച്ചിരിക്കുന്നതെന്നാണ് കണക്ക്. ഇതില്‍ കൂടുതലും ചൈനയിലെ സിച്വാന്‍, ഷാന്‍ക്‌സി മേഖലയിലാണ്. 2013 അവസാനത്തില്‍ 1864 പാണ്ടകളെയാണ് ഇവിടെ കണ്ടെത്തിയത്.

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.