2019 July 20 Saturday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ലൈംഗിക അതിക്രമം: ഇരകള്‍ക്ക് നീതി ഉറപ്പാക്കുമെന്ന് വൃന്ദാകാരാട്ട്

 

കോഴിക്കോട്: പാര്‍ട്ടിക്കകത്തായാലും വര്‍ഗസംഘടനകള്‍ക്കുള്ളിലായാലും ലൈംഗിക അതിക്രമത്തിന് ഇരകളാകുന്ന സ്ത്രീകള്‍ക്ക് നീതി ഉറപ്പാക്കുമെന്ന് സി.പി.എം പോളിറ്റ്ബ്യൂറോ അംഗം വൃന്ദാകാരാട്ട്. അഖിലേന്ത്യാ ജനാധിപത്യ മഹിളാ അസോസിയേഷന്‍ ജില്ലാ പ്രവര്‍ത്തകയോഗം ഉദ്ഘാടനം ചെയ്യുകയായിരുന്നു അവര്‍.
ഒരുതരത്തിലുള്ള സ്ത്രീപീഡനത്തെയും എല്‍.ഡി.എഫ് സര്‍ക്കാര്‍ അംഗീകരിക്കില്ല. സ്ത്രീകള്‍ക്കെതിരേയുള്ള അതിക്രമവുമായി ബന്ധപ്പെട്ട് പാര്‍ട്ടിക്ക് പരാതി ലഭിച്ചാല്‍ നടപടി സ്വീകരിക്കും. സ്ത്രീസുരക്ഷ മുന്‍നിര്‍ത്തി നിരവധി പദ്ധതികളാണ് കേരളത്തില്‍ നടപ്പാക്കുന്നത്. ഇപ്പോഴുണ്ടായ സംഭവത്തെ തുടര്‍ന്ന് പാര്‍ട്ടിയെ അപകീര്‍ത്തിപ്പെടുത്താന്‍ ബോധപൂര്‍വമായ ശ്രമമാണ് നടക്കുന്നത്. രാജ്യത്ത് എവിടെയായാലും സ്ത്രീകള്‍ക്കെതിരേയുള്ള അതിക്രമത്തിനെതിരേ സി.പി.എം ശക്തമായി രംഗത്തുവന്നിട്ടുണ്ടെന്നും അവര്‍ പറഞ്ഞു. കാനത്തില്‍ ജമീല അധ്യക്ഷത വഹിച്ചു. പി. സതീദേവി, കെ.കെ ലതിക, മീരാദര്‍ശക് തുടങ്ങിയവര്‍ പ്രസംഗിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News