2019 October 15 Tuesday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

റോഷന്‍ ആന്‍ഡ്രൂസിന് ജാമ്യം ലഭിച്ചതില്‍ ആശങ്കയെന്ന് ആല്‍വിന്‍ ആന്റണി

 

കൊച്ചി: സംവിധായകന്‍ റോഷന്‍ ആന്‍ഡ്രൂസിന് ഇടക്കാല ജാമ്യം ലഭിച്ചതില്‍ ആശങ്കയുണ്ടെന്ന് നിര്‍മാതാവ് ആല്‍വിന്‍ ആന്റണി. തന്നെയും കുടുംബത്തെയും ആക്രമിച്ചവര്‍ പുറത്ത് നില്‍ക്കുമ്പോള്‍ മനഃസമാധാനത്തോടെ ജീവിക്കുവാന്‍ സാധിക്കുന്നില്ലെന്നും തങ്ങള്‍ക്ക് എന്ത് സംഭവിച്ചാലും റോഷന്‍ ആന്‍ഡ്രൂസിനെ നിയമത്തിന് മുന്നില്‍ കൊണ്ടുവരണമെന്നും ഇത് തന്റെ മരണമൊഴി ആയി കണക്കാക്കണമെന്നും ആല്‍വിന്‍ ആന്റണി പറഞ്ഞു.

റോഷന്‍ ആന്‍ഡ്രൂസിന്റെ അസിസ്റ്റന്റായി ജോലി നോക്കുകയായിരുന്ന തന്റെ മകന്‍ ആല്‍വിന്‍ ജോണ്‍ ആന്റണി, മറ്റൊരു അസിസ്റ്റന്റ് ഡയരക്ടറായിരുന്ന പെണ്‍കുട്ടിയുമായുള്ള മകന്റെ സൗഹൃദമാണ് റോഷനെ ചൊടിപ്പിച്ചത്. ബന്ധത്തില്‍ നിന്ന് പിന്മാറണമെന്ന് പലതവണ ഭീഷണിപ്പെടുത്തി. ഒടുവിലാണ് കഴിഞ്ഞ 15ന് അര്‍ധരാത്രി ഒരു സംഘം ആളുകളുമായി റോഷനും സുഹൃത്ത് നവാസും പനമ്പള്ളിനഗറിലെ വീട്ടിലെത്തി ഭാര്യയെയും 12 വയസുള്ള മകളെയും ആക്രമിച്ചതെന്നും ആല്‍വിന്‍ പറഞ്ഞു. കേസുമായി മുന്നോട്ടുപോകാനാണ് തീരുമാനം.

ഒത്തുതീര്‍പ്പിന് തയാറാകാത്തതിനാല്‍ മകനെതിരേ പെണ്‍കുട്ടിയെക്കൊണ്ട് കള്ളക്കേസ് നല്‍കാനുള്ള ശ്രമം നടക്കുന്നുണ്ടെന്നും ആല്‍വിന്‍ ആന്റണി ആരോപിച്ചു. ആല്‍വിന്‍ ആന്റണിയുടെ ഭാര്യ ഏഞ്ചലീനയും വാര്‍ത്താസമ്മേളനത്തില്‍ പങ്കെടുത്തു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.