2020 May 30 Saturday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

റോഡുകള്‍ തകര്‍ന്നു തരിപ്പണമായിട്ടും അധികൃതര്‍ക്ക് മൗനം

കാട്ടാക്കട: റോഡുകള്‍ തകര്‍ന്നു തരിപ്പണമായിട്ടും അധികൃതര്‍ക്ക് മൗനം. കാട്ടാക്കടയിലെ പൂവച്ചല്‍ പഞ്ചായത്തിലെ മാര്‍ക്കറ്റ് വാര്‍ഡില്‍ ഉള്‍പ്പെട്ട ഇടറോഡുകളിലാണ് യാത്ര ദുസ്സഹമായിരിക്കുന്നത്. പൂച്ചെടിവിള, കാവുവിള വഴി ഇടത്തറപാലം വരെ പോകുന്ന റോഡിലാണ് ദുരിതം.
പൊട്ടിപ്പൊളിഞ്ഞ റോഡിലൂടെ കാല്‍നട യാത്ര പോലും പ്രയാസമാണ്. വാഹനങ്ങള്‍ യാത്രക്കിടെ കേടാകുന്നത് പതിവാണ്. റോഡിനിരുവശവും ചാലുകള്‍ രൂപപ്പെടുകയും അവിടെയാകെ മെറ്റലുകള്‍ ചിതറി കിടന്നിട്ടുമുണ്ട്. ഓട്ടോ റിക്ഷകള്‍ പോലും ഇതു വഴി വരാന്‍ മടിക്കുകയാണ്.
വാഹനങ്ങള്‍ കടന്നു പോകുമ്പോള്‍ ടയറുകളില്‍ പെട്ട് വഴുതി മാറുന്ന മെറ്റലുകള്‍ ശക്തിയായി പലപ്പോഴും ഇത് വഴി സഞ്ചരിക്കുന്നവരുടെ ശരീരത്തില്‍ പതിച്ചു പരിക്ക് പറ്റുന്ന സംഭവങ്ങളുമുണ്ടായിട്ടുണ്ട്്. 2014ല്‍ അറ്റകുറ്റപ്പണി നടത്തി ഗതാഗത യോഗ്യമാക്കിയ ശേഷം നിരവധി പരാതികള്‍ നല്‍കിയിട്ടും അധികൃതര്‍ അവഗണിക്കുകയാണെന്നാണു നാട്ടുകാര്‍ പറയുന്നത്. മാര്‍ക്കറ്റ് വാര്‍ഡില്‍ ശ്രീകൃഷ്ണപുരം, പുലിയൂര്‍ക്കോണം റോഡുകളുടെ അവസ്ഥയും സമാനമാണ്. കാട്ടാക്കട പട്ടണം രൂക്ഷമായ ഗതാഗത കുരുക്കില്‍ അമരുമ്പോള്‍ പൂവച്ചല്‍ നെടുമങ്ങാട് ഭാഗത്തേക്ക് പോകുന്ന വാഹനങ്ങളെ ശ്രീകൃഷ്ണപുരം റോഡിലൂടെ കടത്തി വിട്ടാണ് കുരുക്കിന് അയവു വരുത്തുന്നത്. സ്‌കൂള്‍ ബസുകള്‍ ഉള്‍പ്പടെ ദിവസേന നൂറുകണക്കിന് വാഹനങ്ങള്‍ സഞ്ചരിക്കുന്ന റോഡാണ് അധികൃതരുടെ അവഗണയില്‍ താറുമാറായിരിക്കുന്നതു. വേനല്‍ വഴിമാറി മഴ എത്തുന്നതോടെ ഇതുവഴിയുള്ള സഞ്ചാരം ഇരട്ടി ദുരിതമാകും. പഞ്ചായത്ത് ഇടപ്പെട്ടു റോഡ് നവീകരണത്തിനുള്ള നടപടികള്‍ സമയബന്ധിതമായി നടപ്പാക്കണമെന്നാണ് നാട്ടുകാരുടെ ആവശ്യം.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News