2020 June 06 Saturday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

റെയില്‍വേ റിസര്‍വേഷന്‍ കൗണ്ടറുകള്‍ ഭാഗികമായി തുറന്നു

 

ന്യൂഡല്‍ഹി: ജൂണ്‍ ഒന്നു മുതല്‍ കൂടുതല്‍ തീവണ്ടി സര്‍വിസുകള്‍ തുടങ്ങുന്ന പശ്ചാത്തലത്തില്‍ റയില്‍വേ രാജ്യത്തിന്റെ വിവിധ ഭാഗങ്ങളില്‍ ടിക്കറ്റ് റിസര്‍വേഷന്‍ കൗണ്ടറുകള്‍ ഭാഗികമായി തുറന്നു.
കേരളത്തില്‍ കോഴിക്കോട്, തിരുവനന്തപുരം, എറണാകുളം ജങ്ഷന്‍ റയില്‍വേ സ്റ്റേഷനുകളില്‍ കൗണ്ടറുകള്‍ പ്രവര്‍ത്തനമാരംഭിച്ചു. ഇതു കൂടാതെ കോമണ്‍ സര്‍വിസ് സെന്ററുകള്‍, പോസ്റ്റ് ഓഫിസ് റിസര്‍വേഷന്‍ കൗണ്ടറുകള്‍, യാത്രി ടിക്കറ്റ് സുവിധ കേന്ദ്രങ്ങള്‍ എന്നിവയിലൂടെയും ടിക്കറ്റുകള്‍ ലഭ്യമാകും. ഐ.ആര്‍.സി.ടി.സി ഏജന്റുമാര്‍ വഴിയും ടിക്കറ്റ് റിസര്‍വ് ചെയ്യാമെന്നും റയില്‍വേ വ്യക്തമാക്കി. വൈകാതെ കൂടുതല്‍ സ്റ്റേഷനുകളില്‍ കൗണ്ടറുകള്‍ തുറക്കും.
ഒരു സ്റ്റേഷനില്‍ രണ്ടു കൗണ്ടറുകള്‍ വീതമാണ് പ്രവര്‍ത്തിക്കുക. ഒന്ന് സാധാരണക്കാര്‍ക്ക് റിസര്‍വേഷനുള്ളതും രണ്ടാമത്തേത് പാസുകള്‍, വൗച്ചറുകള്‍, കണ്‍സെഷന്‍ ടിക്കറ്റുകള്‍ എന്നിവയ്ക്കുള്ളതുമാണ്. നേരത്തെ റദ്ദായ ടിക്കറ്റുകളുടെ കാന്‍സലേഷന്‍ തുക കൗണ്ടറുകളിലൂടെ വാങ്ങാനാവില്ല. ഇതിനുള്ള സമയം നീട്ടിയിട്ടുണ്ട്. ഓണ്‍ലൈന്‍ റിസര്‍വേഷന്‍ സൗകര്യവും ഇതൊടൊപ്പം തുടരും. ശ്രമിക് തീവണ്ടികളിലേക്കുള്ള ടിക്കറ്റുകള്‍ കൗണ്ടറുകള്‍ വഴിയോ ഓണ്‍ലൈന്‍ വഴിയോ ബുക്ക് ചെയ്യാന്‍ പറ്റില്ല. അതിനു നിലവിലുള്ള രീതി തന്നെ തുടരും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.