2020 June 04 Thursday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

റിയാദിലെ സ്‌കൂളിലെ വെടിവെയ്പ്പ് ഭീകരാക്രമണമല്ലെന്ന് ആഭ്യന്തര മന്ത്രാലയം

നിസാര്‍ കലയത്ത്

ജിദ്ദ: ഉത്തര റിയാദിലെ സ്വകാര്യ സ്‌കൂളില്‍ മുന്‍ അധ്യാപകന്‍ നടത്തിയ വെടിവയ്പ്പില്‍ പ്രധാന അധ്യാപകനായ ഫലസ്തീന്‍ സ്വദേശിയും സഊദി സ്വദേശിയായ അധ്യാപകനും കൊല്ലപ്പെട്ട സംഭവം ഭീകരാക്രമണമല്ലെന്നും ക്രിമിനല്‍ കേസ് മാത്രമാണെന്നും സഊദി ആഭ്യന്തര മന്ത്രാലയം അറിയിച്ചു.

ബുധനാഴ്ച ഉച്ചയോടെയാണ് സംഭവം ഉണ്ടായത്. സംഭവത്തില്‍ ഒരു ബംഗ്ലാദേശ് തൊഴിലാളിക്ക് പരുക്കേല്‍ക്കുകയും ചെയ്തിരുന്നു .സ്‌കൂളില്‍ നിന്ന് നാല് വര്‍ഷം മുന്‍പ് പിരിച്ചുവിട്ട ഇറാഖ് സ്വദേശിയായ അധ്യാപകനാണ് വെടിവയ്പ്പ് നടത്തിയത്. സാമ്പത്തിക തര്‍ക്കമാണ് കൊലപാതകത്തിന് കാരണം. മുന്‍ ജീവനക്കാരനാണ് കൊലപാതകങ്ങള്‍ നടത്തിയതെന്ന് കിങ്ഡം ഹോള്‍ഡിഗ് സിഇ.ഒയും കിങ്ഡം സ്‌കൂള്‍ ചെയര്‍മാനുമായ ത്വലാല്‍ അല്‍മൈമാന്‍ പറഞ്ഞു.

മലയാളി വ്യവസായ പ്രമുഖന്‍ സണ്ണിവര്‍ക്കിയുടെ ഉടമസ്ഥതയിലുള്ള ജെംസ് ഗ്ലോബല്‍ നെറ്റ്‌വര്‍ക്കിന്റെ ഭാഗമാണ് സഊദി ശതകോടീശ്വരന്‍ അമീര്‍ വലീദ്ബിന്‍ തലാലിന്റെ കിങ്ഡം സ്‌കൂള്‍. റിയാദിലെ മികച്ച വിദ്യാലയങ്ങളിലൊന്നായാണ് കിങ്ഡം സ്‌കൂള്‍ കണക്കാക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.