2019 March 21 Thursday
ഉജ്ജ്വലമായ ആത്മാവിന് ഒരിക്കലും അടിതെറ്റില്ല – അരിസ്‌റ്റോട്ടില്‍

റിയല്‍എസ്റ്റേറ്റ് തട്ടിപ്പുകള്‍ക്ക് കടിഞ്ഞാണ്‍; അതോറിറ്റി ഉദ്ഘാടനം 25ന്

തിരുവനന്തപുരം: ഫ്‌ളാറ്റ് നിര്‍മാണ മേഖലയിലെ തട്ടിപ്പുകളും ചൂഷണങ്ങളും തടയുന്നതിനായി നഗരകാര്യ വകുപ്പിനു കീഴില്‍ പുതുതായി രൂപീകരിച്ച കേരള റിയല്‍ എസ്റ്റേറ്റ് റഗുലേറ്ററി അതോറിറ്റി 25ന് രാവിലെ പത്തിന് മുഖ്യമന്ത്രി ഉമ്മന്‍ചാണ്ടണ്ടി ഉദ്ഘാടനം ചെയ്യും. സെക്രട്ടേറിയറ്റ് സൗത്ത് കോണ്‍ഫറന്‍സ് ഹാളില്‍ നടക്കുന്ന ചടങ്ങില്‍ നഗരകാര്യ, ന്യൂനപക്ഷ ക്ഷേമ മന്ത്രി മഞ്ഞളാംകുഴി അലി അധ്യക്ഷനാകും.
വില്‍പ്പനക്കായി നിര്‍മിക്കുന്ന ഫ്‌ളാറ്റുകള്‍, വാണിജ്യ സ്ഥാപനങ്ങള്‍ തുടങ്ങിയവയുടെ നിര്‍മാണവും വില്‍പ്പനയും നിയമവിധേയമാക്കുന്നതിനും ചൂഷണങ്ങള്‍ തടയുന്നതിനുമാണ് റിയല്‍ എസ്റ്റേറ്റ് റഗുലേറ്ററി അതോറിറ്റി രൂപീകരിച്ചത്. നിശ്ചിത അളവില്‍ കൂടുതല്‍ വിസ്തീര്‍ണമുള്ള നിര്‍മാണങ്ങള്‍ ഇനി റഗുലേറ്ററി അതോറിറ്റിയില്‍ രജിസ്റ്റര്‍ ചെയ്തശേഷം മാത്രമേ വില്‍ക്കാന്‍ കഴിയൂ.
മാര്‍ച്ച് ഒന്നുമുതല്‍ അതോറിറ്റിയില്‍ രജിസ്‌ട്രേഷന്‍ തുടങ്ങുമെന്ന് റിയല്‍ എസ്റ്റേറ്റ് റഗുലേറ്ററി അതോറിറ്റി ചെയര്‍മാന്‍ എസ്. അജയ്കുമാര്‍ അറിയിച്ചു. വന്‍കിട കെട്ടിടങ്ങളുടെ നിര്‍മാണവും വില്‍പ്പനയും നിയമവിധേയമാക്കുന്നതിനുള്ള കേരള റിയല്‍ എസ്റ്റേറ്റ് (റഗുലേഷന്‍ ആന്‍ഡ് ഡവലപ്‌മെന്റ്) ബില്‍ നിയമസഭ പാസാക്കിയിരുന്നു. വ്യാഴാഴ്ച നടക്കുന്ന ചടങ്ങില്‍ മന്ത്രി വി.എസ് ശിവകുമാര്‍, മറ്റ് ജനപ്രതിനിധികള്‍ തുടങ്ങിയവര്‍ പങ്കെടുക്കും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.