2018 October 21 Sunday
ഒരു നേതാവ് നല്ല വീക്ഷണമുള്ളവനും അത്യുത്സാഹിയും പ്രശ്‌നങ്ങളെ ഭയക്കാത്തവനുമാകണം

റാലിക്ക് നേരെ ആക്രമണം: ബംഗ്ലാദേശില്‍ 19 പേര്‍ക്ക് വധശിക്ഷ

 

ധാക്ക: 2014ല്‍ അവാമി ലീഗ് പാര്‍ട്ടി റാലിക്ക് നേരെയുണ്ടായ ഗ്രനേഡ് ആക്രമണത്തില്‍ പങ്കെടുത്ത 19 പേര്‍ക്ക് വധശിക്ഷ. ബംഗ്ലാദേശ് നാഷണലിസ്റ്റ് പാര്‍ട്ടിയുടെ മുന്‍ മന്ത്രി, ഉപമന്ത്രി എന്നിവരും വധശിക്ഷ വിധിക്കപ്പെട്ടവരും ഉള്‍പ്പെടും. ആക്രമണത്തില്‍ പങ്കുണ്ടെന്ന കണ്ടെത്തിയതിനെ തുടര്‍ന്ന് മുന്‍ പ്രധാനമന്ത്രി ഖാലിദ് സിയയുടെ മകന്‍ താരിഖ് റഹ്മാന്‍ ഉള്‍പ്പെടെ 18 പേര്‍ക്ക് ജീവപര്യന്തം തടവിന് വിധിച്ചു. ജസ്റ്റിസ് ഷാഹദ് നൂറുദ്ധീന്‍ ഉള്‍പ്പെടെ പ്രത്യേക ട്രൈബ്യൂണലാണ് വിധി പുറപ്പെടുവിച്ചത്.
സംഭവത്തില്‍ 24 പേര്‍ കൊല്ലപ്പെട്ടിരുന്നു. നൂറുകണക്കിന് പേര്‍ക്ക് പരുക്കേറ്റിരുന്നു. പ്രസിഡന്റ് ശൈഖ് ഹസീന പ്രസംഗിക്കുന്നതിനിടെയാണ് ആക്രമണമുണ്ടായത്.
പ്രതിപക്ഷമായ നാഷനലിസ്റ്റ് പാര്‍ട്ടിയുടെ നിലവിലെ ചെയര്‍മാനാണ് താരിഖ് റഹ്മാന്‍. നിലവില്‍ ലണ്ടനിലാണ് അദ്ദേഹം താമസിക്കുന്നത്.
എന്നാല്‍ താരിഖ് റഹ്മാന് വധശിക്ഷ നല്‍കണമെന്ന് ആവശ്യപ്പെട്ട് ഹൈക്കോടതിയെ സമീപിക്കുമെന്ന് ബംഗ്ലാദേശ് നിയമമന്ത്രി അനീസുല്‍ ഹഖ് പറഞ്ഞു. ലണ്ടനില്‍ നിന്ന് അദ്ദേഹത്തെ രാജ്യത്തേക്ക് കൊണ്ടുവരാനുള്ള നയതന്ത്ര നീക്കം നടത്തുമെന്നും അദ്ദേഹം പറഞ്ഞു.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.