2020 May 26 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

റഷ്യ പുതിയ ദീര്‍ഘദൂര മിസൈല്‍ പരീക്ഷിച്ചു

 

മോസ്‌കോ: റഷ്യ ആര്‍ട്ടിക് മേഖലയില്‍ പുതിയ ദീര്‍ഘദൂര ഹൈപ്പര്‍സോണിക് മിസൈല്‍ പരീക്ഷിച്ചതായി റഷ്യന്‍ വാര്‍ത്താഏജന്‍സി ടാസ് അറിയിച്ചു. ശത്രുവിമാനങ്ങളെ തിരിച്ചോടിക്കാനുപയോഗിക്കുന്ന മിഗ്-31കെ യുദ്ധവിമാനത്തില്‍ നിന്നാണ് കഴിഞ്ഞമാസം മധ്യത്തില്‍ മിസൈല്‍ പരീക്ഷണം നടത്തിയത്.
ഉത്തര മര്‍മാന്‍സ്‌ക് മേഖലയിലെ ഒലെനെഗോര്‍സ്‌ക് വ്യോമതാവളത്തില്‍ നിന്നാണ് മിഗ്-31കെ ഉയര്‍ന്നു പൊങ്ങിയത്. തുടര്‍ന്ന് റഷ്യയുടെ ആര്‍ട്ടിക് കോമി മേഖലയിലെ പെംബോയ് പരിശീലന മൈതാനത്തെ ഭൗമലക്ഷ്യത്തിലേക്ക് മിസൈല്‍ പായിക്കുകയായിരുന്നു.
പുതിയ മിസൈല്‍ 2,000 കി.മീ അകലെയുള്ള ലക്ഷ്യത്തെ തകര്‍ക്കാന്‍ ശേഷിയുള്ളതാണെന്ന് റഷ്യന്‍ മാധ്യമങ്ങള്‍ പറയുന്നു. നിലവില്‍ റഷ്യയുടെ ദക്ഷിണ സൈനികഖണ്ഡത്തില്‍ ഉള്‍പ്പെടുത്തിയിട്ടുള്ള ഇതിന് ആണവായുധമുള്‍പ്പെടെ വഹിക്കാനാവും.
ഉത്തരധ്രുവത്തില്‍ ആയുധ പരീക്ഷണങ്ങള്‍ നടത്തുന്നത് നല്ലതല്ലെന്ന് ഡച്ച് രഹസ്യാന്വേഷണ ഏജന്‍സി കഴിഞ്ഞദിവസം മുന്നറിയിപ്പു നല്‍കിയിരുന്നു. ചൈനീസ് സൈന്യമാണ് ആര്‍ട്ടിക് പ്രദേശം കൂടുതലായി ശാസ്ത്രീയ ഗവേഷണങ്ങള്‍ക്ക് ഉപയോഗിക്കുന്നത്.
അതേസമയം റഷ്യ, യു.എസ്, ചൈന എന്നിവയ്ക്കിടയില്‍ വന്‍ശക്തി മത്സരം രൂപപ്പെട്ടിരിക്കുകയാണെന്നും ഇത് ആര്‍ട്ടിക് മേഖലയില്‍ സംഘര്‍ഷാന്തരീക്ഷം സൃഷ്ടിക്കുമെന്നും ഡച്ച് പ്രതിരോധ ഇന്റലിജന്‍സ് സര്‍വിസ് വാര്‍ഷിക അപായനിര്‍ണയ റിപ്പോര്‍ട്ടില്‍ ചൂണ്ടിക്കാട്ടി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.