2020 April 07 Tuesday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

റഷ്യയിലും കടുത്ത നിയന്ത്രണങ്ങള്‍

 

മോസ്‌കോ: കൊവിഡ് വ്യാപന ഭീതിയില്‍ റഷ്യയിലും കടുത്ത നിയന്ത്രണങ്ങള്‍. ജനങ്ങളോട് വീടുകളില്‍ കഴിയാന്‍ റഷ്യന്‍ പ്രസിഡന്റ് വ്‌ളാദ്മിര്‍ പുടിന്‍ അഭ്യര്‍ഥിച്ചു. ഏപ്രില്‍ 22ന് നടത്താനിരുന്ന ഭരണഘടനാ പരിഷ്‌കരണത്തിനുള്ള വോട്ടെടുപ്പ് മാറ്റിവച്ചതായും പ്രസിഡന്റ് പ്രഖ്യാപിച്ചു.
അടുത്ത ഒരാഴ്ച വീട്ടില്‍തന്നെ കഴിയാനാണ് റഷ്യക്കാരോട് നിര്‍ദേശിച്ചിരിക്കുന്നത്. ഫാര്‍മസി, ബാങ്കുകള്‍, മറ്റ് അവശ്യസര്‍വിസുകള്‍ എന്നിവയൊഴിച്ചുള്ള സ്ഥാപനങ്ങള്‍ പരമാവധി അടച്ചിടാനും സര്‍ക്കാര്‍ നിര്‍ദേശിച്ചിട്ടുണ്ട്. ജനങ്ങളുടെ ആരോഗ്യവും ക്ഷേമവുമാണ് പ്രധാനമെന്ന് പുടിന്‍ പറഞ്ഞു.
റഷ്യയില്‍ ഇതുവരെ 658 പേര്‍ക്ക് കൊവിഡ് സ്ഥിരീകരിച്ചിട്ടുണ്ട്. ഇന്നലെ മാത്രം 163 പേര്‍ക്ക് രോഗം സ്ഥിരീകരിച്ചു. ഇത് റഷ്യയില്‍ ഒരു ദിവസമുണ്ടാകുന്ന ഏറ്റവും വലിയ വര്‍ധനവാണ്. ഇതോടെയാണ് നിയന്ത്രണങ്ങള്‍ കര്‍ശനമാക്കാന്‍ സര്‍ക്കാര്‍ തീരുമാനിച്ചത്.
2024നു ശേഷവും പുടിന് പ്രസിഡന്റ് സ്ഥാനത്ത് തുടരാവുന്ന രീതിയില്‍ കൊണ്ടുവന്ന ഭരണഘടനാ പരിഷ്‌കരണത്തിലുള്ള വോട്ടെടുപ്പാണ് ഏപ്രില്‍ 22ന് നടക്കേണ്ടിയിരുന്നത്. ഇതാണ് ഇപ്പോള്‍ നീട്ടിവച്ചിരിക്കുന്നത്. പുതിയ തിയതി പ്രഖ്യാപിച്ചിട്ടില്ല.
അതേസമയം, കൊവിഡിനെ നേരിടാന്‍ സ്‌പെയിന്‍ ചൈനയില്‍നിന്നു വന്‍തോതില്‍ മെഡിക്കല്‍ ഉപകരണങ്ങള്‍ വാങ്ങിയിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.