2020 January 23 Thursday
യുദ്ധഭീതിയോടെ ഗൾഫ് മേഖല; മറ്റൊരു ഗൾഫ് യുദ്ധം താങ്ങാൻ ലോകത്തിനു ശേഷിയുണ്ടാകില്ലെന്ന് യു എൻ

റബര്‍ കൃഷിയിടങ്ങളില്‍ ഇടകൃഷി ചെയ്യാന്‍ കൃഷിവകുപ്പ്

തിരുവനന്തപുരം: റബര്‍ കര്‍ഷകര്‍ക്ക് തുണയായി കൃഷി വകുപ്പ്. റബര്‍ ബോര്‍ഡുമായി ചേര്‍ന്ന് കൃഷിയിടങ്ങളില്‍ ജൈവ പച്ചക്കറി ഇട കൃഷി ചെയ്യാന്‍ കൃഷി വകുപ്പ് ഒരുങ്ങുന്നു. ഇത് സംബന്ധിച്ച് റബ്ബര്‍ ബോര്‍ഡുമായി കൃഷി വകുപ്പ് ചര്‍ച്ചകള്‍ നടത്തി.റബര്‍ ബോര്‍ഡിനു കീഴിലുള്ള 900ത്തിലധികം വരുന്ന മാര്‍ക്കറ്റിങ് സഹകരണ സംഘങ്ങളെ സംയോജിപ്പിച്ചാണ് ജൈവ പച്ചക്കറി കൃഷിയ്ക്ക് കൃഷി വകുപ്പ് ഒരുങ്ങുന്നത്.
50,000 ഹെക്ടര്‍ പ്രദേശത്താണ് പച്ചക്കറി കൃഷി ചെയ്യുന്നത്. റബ്ബര്‍ മരങ്ങള്‍ക്കിടയില്‍ ഉള്ള സ്ഥലത്താണ് കൃഷി. കോട്ടയത്ത് ആരംഭിക്കുന്ന ആഗ്രോപാര്‍ക്കില്‍ റബര്‍ ബോര്‍ഡിനേയും പങ്കാളിയാക്കിയിട്ടുണ്ട്. 228 വന്‍കിട റബര്‍ എസ്‌റ്റേറ്റുകളുമായും സര്‍ക്കാര്‍ ഉടന്‍ ചര്‍ച്ചകള്‍ നടത്തും. അവര്‍ കൃഷി ചെയ്യാന്‍ സന്നദ്ധമായാല്‍ അവിടെയും ജൈവ പച്ചക്കറി കൃഷി നടത്തുമെന്ന് കൃഷി വകുപ്പ് മന്ത്രി വി.എസ്.സുനില്‍ കുമാര്‍ പറഞ്ഞു.
കൂടാതെ റബര്‍ ബോര്‍ഡുമായി ചേര്‍ന്ന് റബര്‍ ഉല്‍പന്നങ്ങള്‍ ഇവിടെ തന്നെ ഉല്‍പാദിപ്പിക്കാനുള്ള പദ്ധതികളും സര്‍ക്കാര്‍ ആസൂത്രണം ചെയ്യുന്നുണ്ടെന്നും മന്ത്രി പറഞ്ഞു. നാളികേര കര്‍ഷകരുടെ കുടിശികയായ 77 കോടിയില്‍ 35 കോടി നല്‍കിയെന്നും ബാക്കി തുക അടുത്ത മാസം തന്നെ നല്‍കുമെന്നും മന്ത്രി പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.