2019 July 19 Friday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

രാഷ്ട്രീയക്കാരുടെ സ്വത്ത് വിവരങ്ങള്‍ നല്‍കാനാവില്ലെന്ന് ആദായ നികുതി വകുപ്പ്

തിരുവനന്തപുരം: മുന്‍ മന്ത്രിമാരടക്കമുള്ള രാഷ്ട്രീയപ്രമുഖരുടെ സ്വത്ത് വിവരങ്ങള്‍ നല്‍കാനാവില്ലെന്ന് ആദായനികുതി വകുപ്പ് അറിയിച്ചു. അനധികൃത സ്വത്ത് സമ്പാദത്തിന്റെ ഭാഗമായി വിജിലന്‍സ് രാഷ്ട്രീയക്കാരുടെ സ്വത്ത് വിവരങ്ങള്‍ നല്‍കാന്‍ ആദായനികുതി വകുപ്പിനോട് ആവശ്യപ്പെട്ടിരുന്നു.

സ്വത്ത് വിവരങ്ങള്‍ ആവശ്യപ്പെട്ട് വിജിലന്‍സ് ഡയറക്ടര്‍ ജേക്കബ് തോമസ് നല്‍കിയ കത്തിനാണ് ആദായനികുതി വകുപ്പ് മറുപടി നല്‍കിയത്. ഏതെങ്കിലും വ്യക്തിയുടെ സ്വത്ത് വിവരങ്ങള്‍ നല്‍കാം. എന്നാല്‍, ആ വ്യക്തിയുടെ പേരില്‍ കേസുണ്ടാവുകയും അതുമായി ബന്ധപ്പെട്ട് എഫ്.ഐ.ആര്‍ രജിസ്റ്റര്‍ ചെയ്തിരിക്കുകയും വേണം. എന്നാല്‍, വിജിലന്‍സ് ഡയറക്ടര്‍ നല്‍കിയ കത്തില്‍ വ്യക്തികളുടെ പേരില്ലെന്നതിനാല്‍ വിവരങ്ങള്‍ നല്‍കാനാവില്ല. നടപടിക്രമങ്ങള്‍ പാലിച്ച് കത്തയച്ചാല്‍ വിവരങ്ങള്‍ കൈമാറാമെന്നും ആദായനികുതി വകുപ്പ് അറിയിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.