2020 August 11 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

രാജ്യത്തിന്റെ വിലാപം

ടി.വി. മുരളി കൂത്താള

എട്ടു വയസ്സിന്റെ ചെറിയ യാത്രയില്‍ അവള്‍ എട്ടു ദിവസം അനുഭവിച്ച വേദന. ലോകം അറിഞ്ഞപ്പോള്‍ ലജ്ജിച്ചത് മനുഷ്യ കുലം തന്നെ.

ദീപക് കജൂറിയെന്ന പൊലിസുകാരനും അറുപതു വയസുള്ള സംജിറാമെന്ന റിട്ടയേര്‍ഡ് ഉദ്യോഗസ്ഥനും സുരേന്ദ്ര വര്‍മയുംസംജിറാമിന്റെ മകനുമെല്ലാം കൂടിച്ചേര്‍ന്ന് നടത്തിയ ഭീകരത.
അവിടെയും തീരുന്നില്ല,പൊലിസ് സംവിധാനം,ബാര്‍ അസോസിയേഷന്‍ എന്നുവേണ്ട ഭരണകൂട സംവിധാനങ്ങള്‍ നീതി നിഷേധിച്ചുകൊണ്ട് അന്വേഷണങ്ങള്‍ പോലും പ്രഹസനമാക്കി.ഒടുവില്‍ ഇരകള്‍ക്ക് വേണ്ടി ഒരു വിഭാഗം തെരുവില്‍ ഇറങ്ങിയപ്പോള്‍ ഗത്യന്തരമില്ലാതെ കാലം വഴി വെട്ടുകയായിരുന്നു,നേരിന്റെ വഴികള്‍ കണ്ടെത്താന്‍ വേണ്ടി. രണ്ടു മന്ത്രിമാര്‍ ഉള്‍പ്പെടെ സംഘടിച്ച് പ്രതികള്‍ക്കായി മുന്നിലിറങ്ങി നടത്തിയ നാടകങ്ങള്‍ക്കൊടുവില്‍ വിധി അവരെ ഒറ്റപ്പെടുത്തി.കാലത്തിന്റെ കാവ്യ നീതി പലപ്പോഴും അങ്ങനെയാണ്.
ഒറ്റപ്പെട്ട സംഭവമായി, വാര്‍ത്തകളില്‍ ഒരു കോളത്തില്‍ ഒതുങ്ങുന്ന ബാല പീഡനമായി മാറുമായിരുന്നു.പക്ഷേ, സത്യസന്ധരായ രണ്ടു പൊലിസ് ഉദ്യോഗസ്ഥരുടെയും ഒരു അഭിഭാഷകയുടെയും ഇടപെടല്‍ വിഷയത്തെ കാലദേശ പരിധിക്കപ്പുറം എത്തിച്ചു.

ഐക്യരാഷ്ട്ര സഭാ തലവന്‍ ഉള്‍പ്പെടെയുള്ളവര്‍ അപലപിച്ചെങ്കിലും നിസ്സാരവല്‍ക്കരിക്കുന്നവര്‍ ഇപ്പോഴും യാഥാര്‍ഥ്യം ഉള്‍കൊള്ളാന്‍ തയ്യാറാവുന്നില്ല. ഇനിയും മതേതര ഭാരതത്തിനുപ്രതീക്ഷയുണ്ട്. അവളുടെ രക്തസാക്ഷിത്വം ഫാസിസത്തിന്റെ വേരാറുക്കാന്‍ കരുത്തു പകരട്ടെ.

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.