2020 March 29 Sunday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

രാജസ്ഥാന്‍ പൊലിസ് ഓഫിസര്‍ കാറില്‍ കൊല്ലപ്പെട്ട നിലയില്‍

ജയ്പൂര്‍: രാജസ്ഥാനിലെ തീവ്രവാദ വിരുദ്ധ സ്‌ക്വാഡില്‍ ഈയിടെ നിയമിതനായ പൊലിസ് ഉദ്യോഗസ്ഥന്‍ കൊല്ലപ്പെട്ട നിലയില്‍. 42ഉകാരനായ ആഷിഷ് പ്രഭാകര്‍ ആണ് ഇന്നലെ രാത്രി തന്റെ കാറില്‍ കൊല്ലപ്പെട്ട നിലയില്‍ കണ്ടത്. ഇദ്ദേഹത്തിന്റെ കാറിലെ മുന്‍സീറ്റില്‍ ഒരു യുവതിയെയും കൊല്ലപ്പെട്ട നിലയില്‍ കണ്ടെത്തിയിട്ടുണ്ട്. ഇന്നലെ രാത്രി ജയ്പൂരില്‍ നിന്ന് അല്‍പം മാറി റോഡരികിലാണ് കാര്‍ കണ്ടെത്തിയത്.

രാജസ്ഥാന്‍ പൊലിസിലെ അഡീഷണല്‍ സൂപ്രണ്ട് ഓഫ് പൊലിസ് ആണ് ഇദ്ദേഹം. സ്വന്തം റിവോള്‍വര്‍ ഉപയോഗിച്ച് വെടിവച്ച് ആത്മഹത്യ ചെയ്തതാണോ എന്നും സംശയമുണ്ട്. യുവതിയുടെ മൊബൈല്‍ ഫോണ്‍ ഉപയോഗിച്ച് ഇവരെ തിരിച്ചറിയാനുള്ള ശ്രമത്തിലാണ് പൊലിസ്.

പ്രഭാകര്‍ തന്റെ ഭാര്യയോട് ക്ഷമാപണം ചോദിച്ച് എഴുതിയ കത്തും കണ്ടെത്തിയിട്ടുണ്ട്. കുടുംബപരമായ കാരണങ്ങളാലുള്ള ആത്മഹത്യയാണോ എന്നും സംശയമുണ്ട്. ഒരു മാസം മുന്‍പാണ് ഇദ്ദേഹം രാജസ്ഥാന്‍ തീവ്രവാദ വിരുദ്ധ സ്‌ക്വാഡില്‍ നിയമിതനായത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.