2019 September 17 Tuesday
ദാരിദ്ര്യത്തെക്കുറിച്ച് ലജ്ജിക്കാനില്ല. അതില്‍ ലജ്ജതോന്നുന്നതാണ് ലജ്ജാകരം.

യു.പി.എസ്.സി നടത്തുന്ന കമ്പൈന്‍ഡ് ഡിഫന്‍സ് സര്‍വിസ് പരീക്ഷയ്ക്ക് ഇപ്പോള്‍ അപേക്ഷിക്കാം. ആകെയുള്ള 413 ഒഴിവുകളിലേക്കാണ് പരീക്ഷ നടക്കുന്നത്. ഇന്ത്യന്‍ മിലിട്ടറി അക്കാദമി ഡറാഡൂണ്‍ (150), ഏഴിമല നാവിക അക്കാദമി (45), ഹൈദരാബാദ് എയര്‍ഫോഴ്‌സ് അക്കാദമി (32), ഓഫിസേഴ്‌സ് ട്രെയ്‌നിങ് അക്കാദമി ചെന്നൈ (175), ഓഫിസേഴ്‌സ് ട്രെയ്‌നിങ് അക്കാദമി ചെന്നൈ (എസ്.എസ്.സി സ്ത്രീകള്‍ 11) എന്നിങ്ങനെയാണ് ഒഴിവുകള്‍.

ഇന്ത്യന്‍ മിലിട്ടറി അക്കാദമി:
അംഗീകൃത സര്‍വകലാശാല ബിരുദം, തത്തുല്യം ആണ് യോഗ്യത. 1998 ജൂലൈ ഒന്നിനും 1993 ജൂലൈ രണ്ടിനുമിടയില്‍ ജനിച്ചവരായിരിക്കണം.

ഇന്ത്യന്‍ നേവല്‍ അക്കാദമി:
അംഗീകൃത സര്‍വകലാശാലസ്ഥാപനത്തില്‍നിന്ന് എന്‍ജിനിയറിങ് ബിരുദമാണ് യോഗ്യത.
1998 ജൂലൈ ഒന്നിനും 1993 ജൂലൈ രണ്ടിനുമിടയില്‍ ജനിച്ചവരായിരിക്കണം.

എയര്‍ഫോഴ്‌സ് അക്കാദമി:
10, പ്ലസ്ടു തലത്തില്‍ ഫിസിക്‌സ്, മാത്തമാറ്റിക്‌സ് എന്നിവ ഒരു വിഷയമായി പഠിച്ച് ബിരുദം, എന്‍ജിനിയറിങ് ബിരുദം എന്നിവയാണ് യോഗ്യത.
1997 ജൂലൈ ഒന്നിനും 1993 ജൂലൈ രണ്ടിനുമിടയില്‍ ജനിച്ചവരായിരിക്കണം.

ഓഫിസേഴ്‌സ് ട്രെയിനിങ് അക്കാദമി:
അംഗീകൃത സര്‍വകലാശാല ബിരുദമാണ് യോഗ്യത.
പുരുഷന്മാര്‍ 1992 ജൂലൈ രണ്ടിനും 1998 ജൂലൈ ഒന്നിനുമിടയില്‍ജനിച്ചവരാകണം. അവിവാഹിതരായ സ്ത്രീകള്‍ 1992 ജൂലൈ രണ്ടിനും 1998 ജൂലൈ ഒന്നിനുമിടയില്‍ ജനിച്ചവരായിരിക്കണം. എഴുത്തുപരീക്ഷ, ബുദ്ധിപരിശോധന, വ്യക്തിത്വ പരിശോധന, അഭിമുഖം എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്. ഒക്ടോബര്‍ പത്തിനാണ് എഴുത്തുപരീക്ഷ നടക്കുക. ഡിസംബറോടെ ഫലം പ്രഖ്യാപിച്ച ശേഷം 2017 ഫെബ്രുവരി അവസാന വാരമോ മെയ് അവസാന വാരമോ അഭിമുഖം നടക്കും. എഴുത്തുപരീക്ഷക്കു തെറ്റായ ഉത്തരത്തിന് നെഗറ്റീവ് മാര്‍ക്കുണ്ടായിരിക്കും.ചെന്നൈ, ബംഗളൂരു, ഡല്‍ഹി തുടങ്ങി 41 കേന്ദ്രങ്ങളിലായാണ് പരീക്ഷ നടക്കുക. കേരളത്തില്‍ കൊച്ചിയും തിരുവനന്തപുരവുമാണ് പരീക്ഷാകേന്ദ്രങ്ങള്‍.

അപേക്ഷാഫീസ്:
200 രൂപ. നെറ്റ്ബാങ്കിങ് വഴി ഏതെങ്കിലും എസ്.ബി.ഐ, എസ്.ബി.ടി, സ്റ്റേറ്റ് ബാങ്ക് ഓഫ് മൈസൂര്‍, സ്റ്റേറ്റ് ബാങ്ക് ഓഫ് ജയ്പൂര്‍, സ്റ്റേറ്റ് ബാങ്ക് ഓഫ് ഹൈദരാബാദ്, സ്റ്റേറ്റ് ബാങ്ക് ഓഫ് പട്യാല എന്നിവിടങ്ങളില്‍ അടക്കാം.
അപേക്ഷിക്കേണ്ട വിധം:

www.upsc.gov.in F-¶ sh-_vssk-än-  ‘Online Applic-ation for Various Examinations of UPSC’ എന്ന ലിങ്കില്‍ ക്ലിക് ചെയ്ത് അപേക്ഷിക്കേണ്ട പോസ്റ്റ് തെരഞ്ഞെടുത്ത് വ്യക്തിഗത വിവരങ്ങള്‍ ചേര്‍ത്ത ശേഷം സബ്മിറ്റ് ചെയ്യുക.

ഒന്നാംഘട്ട രജിസ്‌ട്രേഷന്‍ നടത്തിയാല്‍ ലഭിക്കുന്ന ഐ.ഡി കുറിച്ചെടുക്കുക. ഫീസ് അടച്ച ശേഷം രണ്ടാമത്തെ ഘട്ടം പൂരിപ്പിക്കുക. സബ്മിറ്റ് ചെയ്ത അപേക്ഷയുടെ പകര്‍പ്പ് ഭാവിയിലെ ഉപയോഗത്തിനായി എടുത്ത് സൂക്ഷിക്കുക.
അപേക്ഷിക്കാവുന്ന അവസാന തിയതി: ഓഗസ്റ്റ് 12.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.