2017 September 24 Sunday
പൂര്‍ണമായ ആര്‍ജവം ഉള്ള ഒരാളുടെ മറ്റു ദൗര്‍ബല്യങ്ങള്‍ പൊറുക്കാവുന്നതേയുള്ളൂ.
വാള്‍ട്ട് വിറ്റ്മാന്‍

യു.എന്‍ എക്കണോമിക് കൗണ്‍സില്‍: ഇന്ത്യ വീണ്ടും തെരഞ്ഞെടുക്കപ്പെട്ടു

ന്യൂയോര്‍ക്ക്: യു.എന്‍ എക്കണോമിക് ആന്‍ഡ് സോഷ്യല്‍ കൗണ്‍സിലിലേക്ക് ഇന്ത്യ വീണ്ടും തെരഞ്ഞെടുക്കപ്പെട്ടു.

മൂന്നു വര്‍ഷത്തേക്കാണ് അംഗത്വം. 18 രാജ്യങ്ങള്‍ക്കായുള്ള വോട്ടെടുപ്പില്‍ 183 വോട്ടുകള്‍ ഇന്ത്യക്ക് ലഭിച്ചു. ഏഷ്യാ-പസഫിക് മേഖലയില്‍ ജപ്പാന് ശേഷം ഏറ്റവുമധികം വോട്ട് ലഭിച്ച രാജ്യവും ഇന്ത്യയാണ്. ജപ്പാന് 185 വോട്ടും ഫിലിപ്പൈന്‍സിന് 182 വോട്ടും ഏഷ്യാ-പസഫിക് മേഖലയില്‍ നിന്ന് ലഭിച്ചു. തെരഞ്ഞെടുപ്പില്‍ പാകിസ്താനും മത്സരിച്ചെങ്കിലും പരാജയപ്പെട്ടു.

ഒരു വോട്ടാണ് അവര്‍ക്ക് ലഭിച്ചത്. ഇന്ത്യയുടെ കാലാവധി ഈ വര്‍ഷം അവസാനിക്കുന്നതിനെ തുടര്‍ന്നാണ് തെരഞ്ഞെടുപ്പില്‍ മത്സരിച്ചത്. 2018 ജനുവരി ഒന്നിനാണ് പുതിയ കാലാവധി ആരംഭിക്കുക. ഫ്രാന്‍സ്, ജര്‍മനി, ഘാന, അയര്‍ലന്‍ഡ്, ജപ്പാന്‍ എന്നിവരാണ് ഇന്ത്യയെ കൂടാതെ വീണ്ടും തെരഞ്ഞെടുപ്പില്‍ മത്സരിച്ചത്.


 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.