2020 May 25 Monday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

യമനില്‍ യു.എന്‍ മധ്യസ്ഥതയില്‍ ഹൂതികളുമായി ചര്‍ച്ച

 

റിയാദ്: വിഘടനവാദികളായ ദക്ഷിണ യമന്‍ ട്രാന്‍സിഷണല്‍ കൗണ്‍സിലുമായി (ദക്ഷിണ യമന്‍ വിഘടനവാദികള്‍) ഔദ്യോഗിക സര്‍ക്കാര്‍ സമാധാന കരാറില്‍ ഏര്‍പ്പെട്ടതിനു പിന്നാലെ യുദ്ധം പൂര്‍ണമായി അവസാനിപ്പിക്കാനുള്ള നീക്കം ശക്തമാക്കി.
യമനിലെ കൂടുതല്‍ അപകടകാരികളായ ഇറാന്‍ അനുകൂല ഹൂതികളുമായാണ് അടുത്ത സമാധാന നീക്കങ്ങള്‍ നടക്കുന്നത്. ഐക്യരാഷ്ട്ര സഭയുടെ നേതൃത്വത്തില്‍ നടക്കുന്ന സമാധാന കരാര്‍ നീക്കം വിജയിക്കുകയാണെങ്കില്‍ യമന്‍ പൂര്‍ണസമാധാന രാജ്യമായി മാറും. ഇതിനായി സഊദി യുദ്ധകാലാടിസ്ഥാനത്തിലുള്ള നീക്കങ്ങളുമായാണ് രംഗത്തുള്ളത്.
നിലവിലെ സാഹചര്യത്തില്‍ സഊദി, യു. എ. ഇ എന്നിവക്കൊപ്പം ഐക്യ യമന്‍ ഒരു ഭാഗത്തും ഹൂതികള്‍ മറുഭാഗത്തുമാണ്. നേരത്തെ പല തവണ ഹൂതികളുമായി ചര്‍ച്ചകള്‍ നടത്തിയിരുന്നെങ്കിലും ഒന്നും ഫലം കണ്ടിരുന്നില്ല.
ഇറാന്‍ അനുകൂല ഹൂതികളുടെ തീവ്ര നിലപാടുകള്‍ സഊദിക്കും ഭീഷണിയാണ്. ഇതില്‍ നിന്നും മോചനം സാധ്യമാകണമെങ്കില്‍ സമാധാന കരാര്‍ പ്രാബല്യത്തില്‍ വരുത്തുകയാണ് ഏക മാര്‍ഗം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.