2020 June 04 Thursday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

യമനില്‍ അമേരിക്കയുടെ നേതൃത്വത്തില്‍ സമാധാന നീക്കം

 

റിയാദ്: രൂക്ഷമായി തുടരുന്ന യമന്‍ യുദ്ധം അവസാനിപ്പിക്കാന്‍ അമേരിക്ക ശ്രമം തുടങ്ങിയതായി റിപ്പോര്‍ട്ട്. യമനിലെ വിമതരുമായി ചര്‍ച്ച തുടങ്ങിയതായും യുദ്ധം അവസാനിപ്പിക്കാനുള്ള നീക്കങ്ങള്‍ നടക്കുന്നതായും അമേരിക്കന്‍ ഉദ്യോഗസ്ഥരെ ഉദ്ധരിച്ച് അറബ് മാധ്യമങ്ങള്‍ റിപ്പോര്‍ട്ട് ചെയ്തു.
ഇറാന്‍ പിന്തുണയുള്ള യമന്‍ വിമത വിഭാഗമായ ഹൂതികളുമായാണ് അമേരിക്ക ചര്‍ച്ചകള്‍ നടത്തുന്നത്. യമനില്‍ യുദ്ധം അവസാനിപ്പിക്കാന്‍ ശ്രമിക്കുന്നതില്‍ തങ്ങള്‍ ശ്രദ്ധ കേന്ദ്രീകരിക്കുന്നതായി ഈ മേഖല ഉള്‍ക്കൊള്ളുന്ന രാജ്യങ്ങള്‍ക്കായുള്ള നിയര്‍ ഈസ്‌റ്റേണ്‍ അഫയേഴ്‌സ് അസിസ്റ്റന്റ് സെക്രട്ടറി ഡേവിഡ് ഷെങ്കര്‍ പറഞ്ഞു. സഊദിയിലെ അമേരിക്കന്‍ സൈനികതാവള സ്ഥലമായ അല്‍ഖര്‍ജില്‍ സന്ദര്‍ശനം നടത്തവേയാണ് ഇദ്ദേഹം ഇക്കാര്യം വെളിപ്പെടുത്തിയത്.
സംഘര്‍ഷത്തിന് പരിഹാരം കാണുന്നതിന് ഹൂതികളുമായി ഞങ്ങള്‍ ചര്‍ച്ച നടത്തുന്നുണ്ട്. ഹൂതികള്‍ക്ക് ആയുധങ്ങള്‍ കടത്തുന്നത് തടയാന്‍ അമേരിക്ക ശ്രമിച്ചുകൊണ്ടിരിക്കുകയാണ്. സഊദിക്കെതിരേ സമീപകാലത്ത് ഹൂതി ആക്രമണങ്ങള്‍ വ്യാപകമായിട്ടുണ്ട്. ഇതിനെ അപലപിക്കുന്നതായും അദ്ദേഹം കൂട്ടിച്ചേര്‍ത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.