2019 May 20 Monday
രാഷ്ട്രീയപാര്‍ട്ടി നേതാക്കളുടെയും പ്രധാനമന്ത്രിമാരുടെയും കളിപ്പാവകളായി മാറുന്നവരെയല്ല നിയമിക്കേണ്ടത്. അന്ധന്‍ അന്ധനെ നയിച്ചാല്‍ ഇരുവരും കുഴിയില്‍ വീഴും -യേശു

മോഷണക്കേസ്: സഊദിയില്‍ മലയാളിയുടെ കൈ വെട്ടണമെന്ന് കോടതിവിധി

റിയാദ്: സഊദിയില്‍ മോഷണക്കേസില്‍പ്പെട്ട മലയാളിയുടെ കൈ വെട്ടാന്‍ കോടതിവിധി. അബഹയില്‍ റസ്റ്റോറന്റ് ജീവനക്കാരനായ ആലപ്പുഴ നൂറനാട് സ്വദേശിയായ യുവാവിനെതിരെയാണ് മോഷണം കുറ്റം തെളിഞ്ഞതോടെ ശരീഅത്ത് നിയമപ്രകാരം കോടതി വിധി പ്രഖ്യാപിച്ചത്. കോടതി വിധിക്കെതിരെ അപ്പീലിന് പോകാന്‍ പ്രതിക്ക് ഒരാഴ്ചത്തെ കൂടി സമയമുണ്ട്.

അബഹയില്‍ യുവാവ് ജോലി ചെയ്തിരുന്ന റസ്റ്റോറന്റില്‍ നിന്ന് ഒരു ലക്ഷത്തി പതിനായിരം റിയാല്‍ കാണാതായ സംഭവത്തിലാണ് കേസ് നടന്നത്. അന്വേഷണത്തില്‍ യുവാവാണ് പണം മോഷ്ടിച്ചതെന്ന് തെളിയുകയും ഇയാള്‍ കുറ്റം ഏറ്റു പറയുകയും മോഷ്ടിച്ച പണം ഇയാളില്‍ നിന്ന് കണ്ടെടുക്കുകയും ചെയ്തു. സാക്ഷി മൊഴികളുടെ കൂടി അടിസ്ഥാനത്തില്‍ ഖമീഷ് മുശൈത്തിലെ ക്രിമിനല്‍ കോടതിയാണ് ശിക്ഷ വിധിച്ചത്.

ശരീഅത്ത് നിയമപ്രകാരം പ്രതിയുടെ വലത്തേ കൈപ്പത്തി വെട്ടിമാറ്റാനാണ് വിധി. തടവില്‍ കഴിയുന്ന പ്രതിക്ക് റമദാന്‍ പതിനേഴിനുള്ളില്‍ അപ്പീലിന് പോകാന്‍ അവസരമുണ്ട്. നാട്ടിലെ കുടുംബത്തിന്റെ അഭ്യര്‍ഥനയെ തുടര്‍ന്ന് അസീറിലെ ഇന്ത്യന്‍ സോഷ്യല്‍ ഫോറം പ്രവര്‍ത്തകര്‍ യുവാവിന് നിയമസഹായം നല്‍കാന്‍ രംഗത്തുണ്ട്. ഇന്ത്യന്‍ എംബസി സാമൂഹിക ക്ഷേമ സമിതിയംഗവും സോഷ്യല്‍ ഫോറം പ്രവര്‍ത്തകനുമായ സൈദ് മൗലവി നിയമവിദഗ്ധരുമായി വിഷയം ചര്‍ച്ച ചെയ്തു.
വേറൊരു സംഭവത്തില്‍ ഇരുപതിനായിരം റിയാല്‍ നല്‍കാനുള്ള വിഷയത്തില്‍ ഒരു യുവാവിന് വേണ്ടി ജാമ്യം നിന്നിരുന്നു. എന്നാല്‍ പിന്നീട് ആ വ്യക്തി പണം നല്‍കാത്തതോടെ ഇദ്ദേഹത്തില്‍ നിന്നും ഈടാക്കിയിരുന്നു. ഇതാണ് മോഷണത്തിന് പ്രേരിപ്പിച്ചതെന്ന് യുവാവ് പറയുന്നു. നാട്ടിലേക്ക് മടങ്ങാന്‍ ഫൈനല്‍ എക്‌സിറ്റ് ലഭിച്ച ശേഷമായിരുന്നു പ്രതി മോഷണക്കേസില്‍പ്പെട്ടത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.