2019 June 18 Tuesday
നമ്മളിലുള്ള നന്മയാണു നമ്മുടെ നീതിബോധം -തിരുവള്ളുവര്‍

മോദി പ്രതിമ പണിയുമ്പോള്‍ പിണറായി മതില്‍ പണിയുന്നു: വി.കെ ശ്രീകണ്ഠന്‍

പട്ടാമ്പി: സര്‍ക്കാര്‍ ഖജനാവിലെ പണമെടുത്ത് മോദി പ്രതിമ പണിയുമ്പോള്‍ പിണറായി മതില്‍ പണിയുകയാണെന്ന് ഡി.സി.സി പ്രസിഡന്റ് വി.കെ ശ്രീകണ്ഠന്‍ പറഞ്ഞു. പട്ടാമ്പി നിയോജക മണ്ഡലം കോണ്‍ഗ്രസ് കണ്‍വന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. പ്രളയക്കെടുതിയില്‍ സര്‍വതും നഷ്ടപ്പെട്ട് ജനങ്ങള്‍ വലയുമ്പോള്‍ അവരെ സഹായിക്കേണ്ട ഫണ്ട് ഉപയോഗിച്ച് മതില്‍ തീര്‍ക്കുന്നതില്‍ പ്രതിഷേധിച്ച് കോണ്‍ഗ്രസ് പ്രവര്‍ത്തകര്‍ മതിലില്‍ പങ്കെടുക്കരുതെന്നും ഡി.സി.സി പ്രസിഡന്റ് നിര്‍ദേശം നല്‍കി.
ബ്ലോക്ക് കോണ്‍ഗ്രസ് പ്രസിഡന്റ്് ജിതേഷ് മോഴിക്കുന്നം അധ്യക്ഷനായി. മുന്‍ എം.എല്‍.എ സി.പി മുഹമ്മദ്, കെ.പി.സി.സി സെക്രട്ടറി സി. ചന്ദ്രന്‍, ഡി.സി.സി വൈസ് പ്രസിഡന്റുമാരായ കെ.എസ്.ബി.എ തങ്ങള്‍, പി.വി രാജേഷ്, ഡി.സി.സി ഭാരവാഹികളായ കമ്മുക്കുട്ടി എടത്തോള്‍, പി.കെ ഉണ്ണികൃഷ്ണന്‍, വി.കെ.പി വിജയനുണ്ണി, സി. സംഗീത, ഏ.പി രാമദാസ്, ഇ.ടി ഉമ്മര്‍, ഇന്ദിരാ ദേവി, വി.എം മുസ്തഫ, മിന്‍ഹാസ്, വിജയന്‍, അഡ്വ. രാമദാസ് ഉമ്മര്‍ കിഴായൂര്‍ സംബന്ധിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.