2020 June 06 Saturday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

മൈലാഞ്ചിയിടാന്‍ ഇനി റോബോട്ടുകളും

പെരിന്തല്‍മണ്ണ: മണവാട്ടിപ്പെണ്ണിന് മൈലാഞ്ചിയിടാന്‍ ഇനി റോബോട്ടുകളും ഒരുങ്ങിക്കഴിഞ്ഞു. പെരിന്തല്‍മണ്ണ എം.ഇ.എ എന്‍ജിനിയറിങ് കോളജിലെ വിദ്യാര്‍ഥികളാണ് ഈ നൂതന സാങ്കേതികവിദ്യ വികസിപ്പിച്ചെടുത്തത്. നാലാം വര്‍ഷ ഇലക്ട്രോണിക്‌സ് ആന്‍ഡ് കമ്യൂണിക്കേഷന്‍ വിദ്യാര്‍ഥികളായ ആശിഖ് ഷറഫ്, ഫാസില്‍ പാലോളി, ഇഹ്‌സാന്‍ സി, മുഹമ്മദ് സുഹൈല്‍ എന്നിവരാണ് ശ്രദ്ധേയ നേട്ടം കൈവരിച്ചത്. ഇലക്‌ട്രോണിക്‌സ് വിഭാഗ മേധാവി രാജീവ് .എന്‍, പ്രൊജക്ട് ഗൈഡ് റഷീദ് അബ്ദുല്‍ഹഖ് മേല്‍നോട്ടം വഹിച്ചു.
ഉപയോഗശൂന്യമായ ഇലക്‌ട്രോണിക്‌സ് മാലിന്യങ്ങളില്‍ നിന്നാണ് മെഹന്തി റോബ് വികസിപ്പിച്ചെടുത്തത്. മൈലാഞ്ചിക്കു പുറമേ സ്വന്തം കൈപ്പടയില്‍ അക്ഷരങ്ങളെഴുതാനും ചിത്രങ്ങള്‍ വരയ്ക്കാനും ഈ റോബോട്ട് സഹായകമാകുമെന്ന് വിദ്യാര്‍ഥികള്‍ ഉറപ്പുനല്‍കുന്നു.
മെഹന്തി റോബ് എന്ന സാങ്കേതികവിദ്യ സാധാരണക്കാരിലേക്ക് ചെലവുകുറഞ്ഞ രീതിയില്‍ എത്തിക്കാനുള്ള ഗവേഷണം പഠനവകുപ്പിന്റെ കീഴിലുള്ള ആര്‍ ആന്‍ഡ് ഡി കേന്ദ്രത്തില്‍ പുരോഗമിക്കുന്നുണ്ടെന്ന് കോളജ് മേധാവികള്‍ പത്രക്കുറിപ്പില്‍ അറിയിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.