2018 October 21 Sunday
ഒരു നേതാവ് നല്ല വീക്ഷണമുള്ളവനും അത്യുത്സാഹിയും പ്രശ്‌നങ്ങളെ ഭയക്കാത്തവനുമാകണം

മൈക്കിള്‍ കൊടുങ്കാറ്റ് ഫ്‌ളോറിഡയില്‍

 

വാഷിങ്ടണ്‍: കാറ്റഗറി നാല് വിഭാഗത്തില്‍പ്പെടുന്ന മൈക്കിള്‍ കൊടുങ്കാറ്റ് ഫ്‌ളോറിഡയില്‍ എത്തി. തീരപ്രദേശങ്ങളില്‍ ബുധാനാഴ്ച രാവിലെ വീശിയടിച്ച കാറ്റിനൊപ്പം ശക്തമായ മഴയുമുണ്ടായി. വന്‍തോതില്‍ മണ്ണിടിച്ചിലുണ്ടാവുമെന്നാണ് വിലയിരുത്തില്‍. ചുഴലിക്കാറ്റില്‍ വന്‍ പ്രത്യാഘാതങ്ങളുണ്ടാവാന്‍ സാധ്യതുയുണ്ടെന്ന് നാഷനല്‍ ഹറികെയ്ന്‍ സെന്റര്‍ മുന്നറിയിപ്പ് നല്‍കി. അപകടങ്ങളൊന്നും റിപ്പോര്‍ട്ട് ചെയ്തിട്ടില്ല.
മണിക്കൂറില്‍ 150 കിലോ മീറ്റര്‍ വേഗതയില്‍ കാറ്റ് അടിച്ചുവീശാന്‍ സാധ്യതയുണ്ട്. 100 വര്‍ഷത്തിനിടെയുണ്ടാവുന്ന ഏറ്റവും വലിയ കൊടുങ്കാറ്റാണിതെന്നും ഫ്‌ളോറിഡ ഗവര്‍ണര്‍ റിക് സ്‌കോട്ട് പറഞ്ഞു. മൈക്കിള്‍ കൊടുങ്കാറ്റ് ഫ്‌ളോറിഡയിലെത്തിയതിനാല്‍ അഭയം തേടേണ്ട സമയമാണിതെന്ന് അദ്ദേഹം പറഞ്ഞു. ഫ്‌ലോറിഡ സംസ്ഥാനത്ത് പ്രസിഡന്റ് ഡൊണള്‍ഡ് ട്രംപ് അടിയന്തരാവസ്ഥ പ്രഖ്യാപിച്ചിട്ടുണ്ട്.
കാറ്റ് മികച്ച രീതിയില്‍ നിര്‍മിച്ച കെട്ടിടങ്ങളുടെ മേല്‍ക്കൂരയും മതിലും വരെ തകര്‍ക്കാന്‍ ശക്തിയുള്ളതാണെന്ന് ദേശീയ കാലാവസ്ഥ കേന്ദ്രം അറിയിച്ചു.
ശക്തമായ നാശമുണ്ടാക്കാന്‍ സാധ്യതയുള്ള തിരകളും കാറ്റും കണക്കിലെടുത്ത് തീരമേഖലയിലുള്ള 5,00,000 ആളുകളോടു സുരക്ഷിതമായ ഉയര്‍ന്ന മേഖലകളിലേക്കു നീങ്ങാന്‍ നിര്‍ദേശം നല്‍കിയിട്ടുണ്ട്. 13 അടിയോളം ഉയരാന്‍ സാധ്യതയുള്ള തിരകളോടെ, ചുഴലിക്കാറ്റ് ബുധനാഴ്ച പ്രാദേശിക സമയം ഉച്ചയോടെ പാന്‍ഹാന്‍ഡിലില്‍ പ്രവേശിക്കാന്‍ ഇടയുണ്ടെന്നു നാഷനല്‍ ഹറികെയ്ന്‍ സെന്റര്‍ മുന്നറിയിപ്പു നല്‍കി. ചുഴലിക്കാറ്റ് വടക്കുദിശയിലേക്കു നീങ്ങി തുടങ്ങിയതോടെ എണ്ണ, വാതക ഉല്‍പാദനം വലിയ തോതില്‍ തടസ്സപ്പെട്ടിട്ടുണ്ട്. ഫ്‌ലോറിഡ, അല്‍ബാമ, ജോര്‍ജിയ, കരോളിന മേഖലകളില്‍ കനത്ത മഴയ്ക്കും സാധ്യതയുണ്ട്.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.