2018 June 15 Friday
ചിന്തയുടെ വെളിപാടാണ് മനുഷ്യനെ അടിമത്വത്തില്‍ നിന്ന് മോചിപ്പിച്ച് സ്വാതന്ത്ര്യത്തിലേക്ക് നയിക്കുന്നത്.
-എമേഴ്‌സണ്‍

മേക്ക് ഇന്‍ ഇന്ത്യ പദ്ധതിയില്‍ കൂടുതല്‍ മാറ്റങ്ങള്‍ക്ക് കേന്ദ്രം തയാറെടുക്കുന്നു

 

ന്യൂഡല്‍ഹി: രാജ്യത്തിന്റെ സാമ്പത്തിക വളര്‍ച്ചക്കും കൂടുതല്‍ ജോലിസാധ്യതയ്ക്കുമായി കേന്ദ്രം മേക്ക് ഇന്‍ ഇന്ത്യ പദ്ധതിയില്‍ കൂടുതല്‍ മാറ്റങ്ങള്‍ വരുത്താന്‍ തയാറെടുക്കുന്നു.

മേക്ക് ഇന്‍ ഇന്ത്യ പദ്ധതിയുടെ 25 പ്രധാന മേഖലകളില്‍ കൂടുതല്‍ ജോലിസാധ്യതകള്‍ ഉള്ള തുകല്‍ നിര്‍മ്മാണം, വസ്ത്ര നെയ്ത്ത് വ്യവസായം, എന്‍ജിനീയറിങ്ങ്, ഫാര്‍മസ്യുട്ടിക്കല്‍സ്, ഓട്ടോമൊബൈല്‍സ് എന്നീ അഞ്ചു മേഖലകളിലാണ് കൂടുതല്‍ ശ്രദ്ധ ചെലുത്താന്‍ തീരുമാനം.

ഉയര്‍ന്ന ജോലി സാദ്ധ്യതയുള്ള മേഖലയെന്ന നിലയില്‍ മോട്ടോര്‍ വാഹന വ്യവസായത്തില്‍ മേക്ക് ഇന്‍ ഇന്ത്യ പദ്ധതി തിരിച്ചു കൊണ്ടുവരുന്നതിനായുള്ള ഉന്നതതല യോഗങ്ങള്‍ വ്യവസായ വകുപ്പിലും നീതി ആയോഗിലും നടത്തി വരുകയാണ്.

ആഗോളതലത്തിലുള്ള വാഹന നിര്‍മാതാക്കളെ ഇന്ത്യയില്‍ എത്തിച്ച് നിര്‍മ്മാണവും രൂപകല്‍പനയും രാജ്യത്തിനകത്തുതന്നെ നടത്തുവാന്‍ പ്രോത്സാഹിപ്പിക്കുക എന്നതാണ് പദ്ധതിയുടെ ലക്ഷ്യം.


 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.