2018 February 17 Saturday
എല്ലാവരും ഒരുപോലെ കഴിവുള്ളവരാകണമെന്നില്ല. എന്നാല്‍, സ്വന്തം കഴിവുകളെ വികസിപ്പിച്ചെടുക്കാനുള്ള അവസരം ഏവര്‍ക്കും ഒരുപോലെയാണ്.
എ.പി.ജെ അബ്ദുല്‍ കലാം

‘മെയ്ഡ് ഇന്‍ ഇന്ത്യ ബിഎസ് 6 എന്‍ജിനുമായി’ ബെന്‍സ്

ജര്‍മന്‍ ആഡംബര വാഹന നിര്‍മാതാക്കളായ മെഴ്‌സിഡീസ് ബെന്‍സ് മലിനീകരണ നിയന്ത്രണ മാനദണ്ഡത്തില്‍ ബിഎസ് 6 (ഭാരത് സ്റ്റേജ് 6) നിലവാരത്തിലുള്ള ആദ്യ മെയ്ഡ് ഇന്‍ ഇന്ത്യ കാര്‍ അവതരിപ്പിച്ചു.

മെഴ്‌സിഡീസ് എസ് ക്ലാസ് ലക്ഷ്വറി സെഡാനാണ് ബിഎസ് 6 എന്‍ജിനില്‍ അരങ്ങേറ്റം കുറിച്ചത്. കമ്പനിയുടെ പുണെ സെന്ററില്‍ നടന്ന ചങ്ങില്‍ കേന്ദ്ര ഗതാഗത വകുപ്പ് മന്ത്രി നിതിന്‍ ഗഡ്കരിയുടെ സാന്നിധ്യത്തിലാണ് പുതിയ മോഡല്‍ അവതരിപ്പിച്ചത്.

വായു മലിനീകരണം വളരെയേറെ കുറക്കാന്‍ ബിഎസ് 6 എന്‍ജിന്‍ സഹായിക്കും. നിലവില്‍ ബിഎസ് 4 നിലവാരത്തിലുള്ള വാഹനങ്ങളാണ് രാജ്യത്ത് ഓടുന്നത്. കഴിഞ്ഞ വര്‍ഷം ഏപ്രില്‍ മുതലായിരുന്നു ഇത് നിര്‍ബന്ധമാക്കിയത്.

2020 എപ്രില്‍ മുതല്‍ ബിഎസ് 6 നിലവാരം നിര്‍ബന്ധമാക്കുമെന്ന് നേരത്തെ കേന്ദ്ര ഗതാഗത മന്ത്രാലയം വ്യക്തമാക്കിയിരുന്നു. വര്‍ധിച്ചുവരുന്ന വായു മലിനീകരണം പിടിച്ചുനിര്‍ത്താന്‍ ബിഎസ് 5 നിലവാരത്തില്‍ തൊടാതെയാണ് രാജ്യം നേരെ ബിഎസ് 6 മാനദണ്ഡത്തിലേക്ക് മാറുന്നത്.

286 എച്ച്പി പവറും 600 എന്‍എം ടോര്‍ക്കുമേകും എന്‍ജിന്‍. മുന്‍മോഡിലനെ അപേക്ഷിച്ച് ടോര്‍ക്ക് 20 എംഎം കുറവാണ്, 28 എച്ച്പി പവര്‍ കുടുതലും. നിലവിലുള്ള എന്‍ജിനെക്കാള്‍ 68 ശതമാനം കുറവ് നൈട്രസ് ഓക്‌സൈഡ് മാത്രമേ ബിഎസ് 6 എന്‍ജിന്‍ പുറത്തുവിടുകയുള്ളു. പര്‍ട്ടിക്കുലേറ്റ് മാറ്ററിന്റെ അളവ് 82 ശതമാനവും കുറവാണ്. അതേസമയം ഇന്ധനക്ഷമത കൂടുതല്‍ ലഭിക്കും. പുതിയ മോഡല്‍ എപ്പോള്‍ പുറത്തിറക്കുമെന്നത് സംബന്ധിച്ച വിവരങ്ങള്‍ കമ്പനി വ്യക്തമാക്കിയിട്ടില്ല.


 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.