2019 May 21 Tuesday
ജനങ്ങളില്‍ നിന്നു നീ മുഖം തിരിച്ച് കളയരുത് അഹന്ത കാണിച്ച് ഭൂമിയില്‍ നടക്കയുമരുത് (വിശുദ്ധ ഖുര്‍ആന്‍)

മൂന്ന് വര്‍ഷത്തെ സേവനത്തിന് ശേഷം ഹജ് കോണ്‍സല്‍ മുഹമ്മദ് ഷാഹിദ് ആലം ഇന്ത്യയിലേക്ക് മടങ്ങുന്നു

ജിദ്ദ: ജിദ്ദ ഇന്ത്യന്‍ കോണ്‍സുലേറ്റില്‍ നിന്നും മൂന്ന് വര്‍ഷത്തെ സേവനത്തിനു ശേഷം ഹജ് കോണ്‍സല്‍ മുഹമ്മദ് ഷാഹിദ് ആലം മടങ്ങുന്നു. ഡല്‍ഹിയിലെ വിദേശകാര്യ മന്ത്രാലയത്തിലേക്കാണ് തിരിച്ചുപോവുന്നത്.
മൂന്നു വര്‍ഷം ഹജിന്റെ വിജയകരമായ സംഘാടനത്തില്‍ ഭാഗഭാക്കാവാന്‍ കഴിഞ്ഞതിന്റെ ആത്മസായൂജ്യത്തോടെയാണ് ഡെപ്യൂട്ടി കോണ്‍സല്‍ ജനറല്‍ കൂടിയായ മുഹമ്മദ് ഷാഹിദ് ആലത്തിന്റെ മടക്കം. മാസങ്ങളോളം നീളുന്ന ഹജ് മിഷന്റെ മുന്നൊരുക്കങ്ങള്‍ക്ക് നേതൃത്വം നല്‍കിയും പുണ്യഭൂമിയില്‍ ഇന്ത്യന്‍ ഹജ് വളണ്ടിയര്‍മാരോടൊപ്പം സേവന നടത്തിയും അദ്ദേഹം സജീവമായിരുന്നു. കോണ്‍സുലേറ്റിനു കീഴിലുള്ള ഇന്ത്യന്‍ സ്‌കൂള്‍ നിരീക്ഷകനുമായിരുന്നു മുഹമ്മദ് ഷാഹിദ് ആലം.
സ്‌കൂള്‍ കെട്ടിടം ഒഴിയേണ്ട പ്രതിസന്ധി ഘട്ടത്തില്‍ അവസാന നിമിഷം നിര്‍ണായക ചര്‍ച്ചകളിലൂടെ ഫലപ്രാപ്തിയിലെത്തിക്കാനും ഇദ്ദേഹത്തിന് സാധിച്ചു. ജിദ്ദയിലെ ഇന്ത്യന്‍ പൗരസമൂഹവുമായി ഊഷ്മള ബന്ധം പുലര്‍ത്തിയിരുന്ന മുഹമ്മദ് ഷാഹിദ് ആലം മലയാളികളുടെ ഹജ്ജ് വളണ്ടിയര്‍ സേവനങ്ങളെ എന്നും പ്രശംസിച്ചിരുന്നു. ജാര്‍ഖണ്ഡ് ധന്‍ബാദ് ജില്ലക്കാരനായ ഇദ്ദേഹം ഇന്ത്യന്‍ ഫോറിന്‍ സര്‍വീസിലെ 2010 ബാച്ചുകാരനാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.