2019 June 25 Tuesday
അന്യന്റെ ഭാരം ലഘൂകരിക്കുന്ന ആരും ലോകത്തിന് ഉപയോഗശൂന്യമല്ല. -ചാള്‍സ് ഡിക്കന്‍സ്‌

മൂന്ന് കവിതകള്‍

എം.പി ജയപ്രകാശ്

1

പക്ഷികളുടെ രാജ്യം
ചിറകടികള്‍ കൊണ്ടുമാത്രം
തുന്നപ്പെട്ടതാണ്.
യോഗ്യതാപത്രങ്ങളുടെ
അധികഭാരമില്ലാത്ത രാജ്യം.

2

മഴ
മരങ്ങളില്‍ എന്ന പോലെ
ഓരോന്നും
ഓരോരുത്തരിലും
ഒരേ പോലെ
പെയ്തുനിറഞ്ഞിരുന്നുവെങ്കില്‍.

 

3

കലപിലക്കൂട്ടത്തിന്റെ
ചിലക്കലുകള്‍
കേട്ട്
പകലൊടുങ്ങുന്നു.
വിഷാദം
തൂവല്‍ പൊഴിച്ചിടുന്ന,
അറിയാവ്യഥകള്‍
നെഞ്ചില്‍
കൂടുകൂട്ടുന്ന
സന്ധ്യയും കഴിഞ്ഞ്…
നേര്‍ത്ത നിലാവില്‍
കുളിച്ചുനില്‍ക്കുന്ന
രാത്രിയില്‍,
ഒറ്റമരത്തിന്റെ കൊമ്പില്‍
എകാന്തമായൊരു
രാപക്ഷി
പാടിത്തുടങ്ങവേ,
എത്ര നിസംഗമായാണ്
ലോകം കതകടച്ച്
ഉറങ്ങിക്കളയുന്നത്…!

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.