2020 August 15 Saturday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

മുസ്്‌ലിംകളെ സ്ഥാനാര്‍ഥികളാക്കാതിരുന്നത് വലിയ തെറ്റെന്ന് ഉമാഭാരതി

ലഖ്‌നോ: ഉത്തര്‍പ്രദേശ് നിയമസഭാ തെരഞ്ഞെടുപ്പില്‍ ബി.ജെ.പിക്ക് വലിയ തെറ്റുപറ്റിയെന്ന് ചൂണ്ടിക്കാട്ടി കേന്ദ്രമന്ത്രിയും പാര്‍ട്ടിയുടെ മുതിര്‍ന്ന നേതാവുമായ ഉമാഭാരതി.
എല്ലാ മതസ്ഥരേയും ഉള്‍കൊള്ളാന്‍ പാര്‍ട്ടിക്ക് കഴിയുന്നില്ലെന്ന് മാത്രമല്ല തെരഞ്ഞെടുപ്പില്‍ മുസ്‌ലിം സ്ഥാനാര്‍ഥികളെ നിര്‍ത്താതിരുന്നത് വലിയ തെറ്റാണെന്ന് ബി.ജെ.പിയുടെ താരപ്രചാരകരിലൊരാളായ ഉമാ ഭാരതി സി.എന്‍.എന്‍-ന്യൂസ് 18 ചാനലിന് നല്‍കിയ അഭിമുഖത്തില്‍ വ്യക്തമാക്കി.
എന്തുകൊണ്ട് മുസ്‌ലിം സ്ഥാനാര്‍ഥികളെ നിര്‍ത്തിയില്ലെന്നത് നേതൃത്വം ചിന്തിക്കേണ്ടതാണ്. ഇത് ഒരിക്കല്‍പോലും തിരുത്താന്‍ പറ്റാത്ത പിഴവാണ് ബി.ജെ.പിക്കുണ്ടാക്കിയിരിക്കുന്നത്.
ഇക്കാര്യം പാര്‍ട്ടി അധ്യക്ഷന്‍ അമിത്ഷാക്ക് മുന്‍പാകെ ചൂണ്ടിക്കാണിക്കുമെന്നും അവര്‍ വ്യക്തമാക്കി.
ഉത്തര്‍പ്രദേശില്‍ ആരെ ഭരണത്തിലേറ്റണമെന്ന് തീരുമാനിക്കാനുള്ള സംഘ ശക്തി മുസ്‌ലിം സമുദായത്തിനുണ്ടെന്ന തിരിച്ചറിവും മറ്റ് രാഷ്ട്രീയ പാര്‍ട്ടികളുടെ സ്വാധീനതയില്‍ ബി.ജെ.പിക്ക് അടിതെറ്റുന്നുവെന്നും പാര്‍ട്ടിക്ക് തെറ്റുപറ്റിയെന്ന തുറന്നുപറച്ചിലിന് ഉമാഭാരതിയെ പ്രേരിപ്പിച്ചത്.
അതേസമയം ഇതേ വാദമുയര്‍ത്തി കേന്ദ്ര ന്യൂനപക്ഷ മന്ത്രി മുഖ്താര്‍ അബ്ബാസ് നഖ്‌വിയും രംഗത്തെത്തി.
തെരഞ്ഞടുപ്പില്‍ മുസ്‌ലിം സ്ഥാനാര്‍ഥികളെ നിര്‍ത്താതിരുന്നത് നിര്‍ഭാഗ്യകരമായെന്നും അടുത്ത തവണ ഇത്തരത്തിലുള്ള തെറ്റ് പറ്റില്ലെന്നും അദ്ദേഹം പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.