2018 September 19 Wednesday
പതിനായിരം ബന്ധുക്കള്‍ക്ക് പകരം നില്‍ക്കാന്‍ ഒരേയൊരു ആത്മാര്‍ഥ സുഹൃത്ത് മതി.
യൂറിപ്പിഡിസ്

മുനവ്വറലി തങ്ങള്‍ വാഫി അക്കാദമിക് കൗണ്‍സില്‍ ഡയരക്ടര്‍

ചേളാരി(മലപ്പുറം): അന്താരാഷ്ട്ര ഇസ്‌ലാമിക് യൂനിവേഴ്‌സിറ്റീസ് ലീഗില്‍ അംഗത്വമുള്ള കോഡിനേഷന്‍ ഓഫ് ഇസ്‌ലാമിക് കോളജസി(സി.ഐ.സി)ന്റെ അക്കാദമിക് കൗണ്‍സില്‍ ഡയരക്ടറായി പാണക്കാട് മുനവ്വറലി ശിഹാബ് തങ്ങളെ തെരഞ്ഞെടുത്തു.
ഇന്നലെ ചേളാരിയില്‍ ചേര്‍ന്ന സി.ഐ.സി സെനറ്റ് യോഗമാണ് വി.പി സെയ്ത് മുഹമ്മദ് നിസാമിയുടെ നിര്യാണത്തെ തുടര്‍ന്നുണ്ടായ ഒഴിവിലേക്ക് മുനവ്വറലി ശിഹാബ് തങ്ങളെ തെരഞ്ഞെടുത്തത്. കേരളം, കര്‍ണാടക സംസ്ഥാനങ്ങളില്‍ സി.ഐ.സിയുമായി അഫിലിയേറ്റ് ചെയ്ത് പ്രവര്‍ത്തിക്കുന്ന 81 ഉന്നത ഇസ്‌ലാമിക മത ഭൗതിക കലാലയങ്ങളുടെ അക്കാദമിക പ്രവര്‍ത്തനങ്ങള്‍ നിയന്ത്രിക്കുന്നത് സി.ഐ.സി അക്കാദമിക് കൗണ്‍സില്‍ ആണ്.
പാണക്കാട് സയ്യിദ് ഹൈദരലി ശിഹാബ് തങ്ങള്‍ റെക്ടറും പ്രൊഫ. അബ്ദുല്‍ ഹക്കീം ഫൈസി ആദൃശ്ശേരി കോഡിനേറ്ററും അലി ഫൈസി തൂത ട്രഷററുമായ സി.ഐ.സിയുടെ പ്രധാന ബോഡിയാണ് അക്കാദമിക് കൗണ്‍സില്‍.
സലാം ഫൈസി എടപ്പാള്‍, മുഹമ്മദ് ഫൈസി അടിമാലി, ഡോ. സലാഹുദ്ദീന്‍ വാഫി, അലി ഹുസൈന്‍ വാഫി, ഡോ. അയ്യൂബ് വാഫി എന്നിവരാണ് മറ്റ് അംഗങ്ങള്‍.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.