2019 August 22 Thursday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

മുണ്ടേരി ജി.വി.എച്ച്.എസിലെ കിണറില്‍ പായല്‍ നിറഞ്ഞു

കല്‍പ്പറ്റ: ആയിരത്തി അഞ്ഞൂറോളം വിദ്യാര്‍ഥികള്‍ പഠിക്കുന്ന മുണ്ടേരി ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂളിലെ കിണര്‍ ശുചീകരിക്കാന്‍ നടപടിയില്ല.
പായല്‍ നിറഞ്ഞ് ഉപയോഗയോഗ്യമല്ലാത്ത അവസ്ഥയിലാണ് കിണര്‍. സ്‌കൂളില്‍ രണ്ട് കിണറുകളാണുള്ളത്. രണ്ട് കിണറുകളില്‍ നിന്നും സ്‌കൂളിലെ പാചകത്തിന് അടക്കം വെള്ളം എടുക്കാറുണ്ട്. ഇതില്‍ ഒരു കിണറാണ് പൂര്‍ണമായും മലിനമായി കിടക്കുന്നത്.
കിണറിലാകെ പായല്‍ നിറഞ്ഞിരിക്കുകയാണ്. കിണല്‍ കൃത്യമായി ശുചീകരിക്കാറല്ലെന്നതിന്റെ തെളിവാണിത്.
അടച്ച് സൂക്ഷിക്കുന്ന മറ്റൊരു കിണറാകട്ടെ പരിസരം പൂര്‍ണമായും വൃത്തിഹീനമായി കിടക്കുകയാണ്. പ്രളയത്തെ തുടര്‍ന്ന് ദുരിതാശ്വാസ ക്യാംപായി പ്രവര്‍ത്തിച്ചിരുന്ന സ്‌കൂളിലെ അവസ്ഥയാണിത്. 800 ദുരിതബാധിതരാണ് ഇവിടെ താമസിച്ചിരുന്നത്. ഇവര്‍ക്കടക്കം ഈ കിണറിലെ വെള്ളമാണ് ഇതിനെല്ലാം ഉപയോഗിച്ചിരുന്നതെന്നാണ് ആക്ഷേപം. സ്‌കൂളുകളിലെ കിണറുകളില്‍ കൃത്യമായി ശുചീകരിച്ച് അടച്ച് സൂക്ഷിക്കണമെന്നിരിക്കെ തികഞ്ഞ അലംപാവമാണ് അധികൃതരുടെ ഭാഗത്ത് നിന്നുണ്ടായത്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.